Կապրի կղզում գտնվող Տիբերիուս կայսեր քարանձավային ավազանում հայտնաբերվել են նավի խորտակման հետքեր, որը տեղի է ունեցել նրա կյանքից հազարավոր տարիներ առաջ, հայտնում է HeritageDaily-ն։

Կապրի կղզու Կապույտ հրոցում (Grotta Azzurra) Հռոմի կայսր Տիբերիոսը կառուցել է լողավազան՝ դեպի ջուր հարմար մուտքով, հանգստի գոտի և յոթ մարմարե արձաններ, որոնցից պատվանդաններ են մնացել։ Նախկինում երեք արձան էր հայտնաբերվել ջրում։ Հնագետները որոշել են գտնել մնացածները, սակայն փոխարենը հանդիպել են ութ կիլոգրամ քաշով օբսիդիանի կտորի։ Այս նյութը հրաբխային ծագում ունի և օգտագործվել է շատ սուր գործիքներ պատրաստելու համար։

Ջրի տակ 30-40 մետր խորության վրա հայտնաբերված կտորը ցույց է տվել նեոլիթյան՝ Նոր քարի դարաշրջանին բնորոշ տրորման հետքեր, որն ավարտվել է մ.թ.ա. 2200 տարի առաջ: Միջերկրական ծովի որոշ կղզիներում կան նեոլիթյան բնակավայրերի հետքեր, իսկ Կապրիում՝ ոչ։ Բացի այդ, այս կղզում օբսիդիան չի հայտնաբերվել, ուստի գիտնականները կարծում են, որ այն Տիբերիոսի ավազանի շրջակայքում է հայտնվել նավի խորտակման հետեւանքով։ Հնարավոր է, որ այն փոխադրված է եղել առևտրի համար, բայց կարող է օգտագործվել նաև որպես սուր գործիքների նյութի մատակարարում։ Սա ևս մեկ ապացույց է, որ հին մարդիկ ավելի հաճախ են անցել ծովով, քան թվում է:

Մեր դարաշրջանի առաջին երեք տասնամյակում Կապրին եղել է Հռոմեական կայսրության փաստացի մայրաքաղաքը: Այստեղ Տիբերիոս կայսրը, վախենալով մահափորձերից, հերթափոխով ապրում էր իր 12 վիլլաներից մեկում։

Աղբյուրը՝ news.am