Անգլիացի հայտնի ռոք երաժիշտ բ, որն այս տարվա փետրվարին հայտարարել էր, որ լքում է բեմը առողջական լուրջ խնդիրների պատճառով, պատմել է, թե ինչ կցանկանար հասցնել անել մահից առաջ։ Այս մասին հայտնում է Rolling Stone-ը։

Արտիստը խոստովանել է, որ պարտական է երկրպագուներին, որոնք իրեն դարձրել են աշխարհի ամենամեծ ռոք աստղերից մեկը, ուստի ցանկանում է հասցնել շնորհակալություն հայտնել նրանց։

«Եթե չկարողանամ շարունակել շոուները կանոնավոր կերպով, պարզապես ցանկանում եմ բավականաչափ առողջ լինել, որպեսզի կարողանամ մեկ շոու կազմակերպել ու ասել. «Հե՛յ, շատ շնորհակալ եմ այս կյանքի համար»: Ահա թե ինչի վրա եմ աշխատում, և եթե ես մեռած ընկնեմ ամենավերջում, ուրեմն կմեռնեմ որպես երջանիկ մարդ»,-ասել է երաժիշտը։

Միաժամանակ Օզզին նշել է, որ դժվար թե կարողանա դա անել, քանի որ չորրորդ վիրահատության ժամանակ իր ողերից մեկում ուռուցք է հայտնաբերվել։

Բայց սա միակ առողջական խնդիրը չէ, որին արտիստը բախվել է վերջին տարիներին։ 2020 թվականին նրա մոտ ախտորոշվել է Պարկինսոնի հիվանդություն

։Չնայած դրան՝ Օսբորնն ասել է, որ չի վախենում մահից, բայցև չի ցանկանում «քարշ տալ երկար, ցավոտ և թշվառ գոյություն»։

Աղբյուրը՝ tert.am