Իսրայելի պաշտպանության բանակի գլխավոր շտաբի հրամանատար, գեներալ-լեյտենանտ Հերզի Հալևին հայտարարել է, որ զինվորականներն ընդլայնում են իրենց գործողությունները Գազայի հատվածի հարավային և կենտրոնական հատվածներում՝ միաժամանակ զգուշացնելով, որ պատերազմը կտևի «ևս շատ ամիսներ»: Այս մասին հաղորդում է The Times of Israel-ը:

«Մենք սպանեցինք բազմաթիվ ահաբեկիչների և հրամանատարների, նրանցից ոմանք հանձնվեցին մեր ուժերին, և մենք հարյուրավոր գերիներ վերցրինք։ Մենք ոչնչացրել ենք ստորգետնյա շատ ենթակառուցվածքներ և զենքեր»,-ասել է Հալևին Իսրայելի հարավում կայացած մամուլի ասուլիսում։

Այնուամենայնիվ, նա նախազգուշացրել է, որ «այս խիտ բնակեցված քաղաքային տարածքում, որտեղ ահաբեկիչները քաղաքացիական հագուստով են, մենք չենք կարող ասել, որ բոլորին սպանել ենք»։

«Մենք, հավանաբար, դեռ կտեսնենք գրոհայիններին այդ տարածքում, և մենք կշարունակենք հարձակվել նրանց վրա և հետապնդել նրանց տարբեր ձևերով»,- ասաց նա՝ մեկնաբանելով Հյուսիսային Գազայի մարտերը, որոնք ակնկալվում է, որ կհանդարտվեն ՀԱՄԱՍ-ի վերջին գումարտակը ցրվելուց հետո:

Հալևին ասել է, որ զինվորականները կենտրոնացնում են իրենց ջանքերը Գազայի հատվածի հարավում, մինչդեռ շարունակում են «պահպանել և խորացնել ձեռքբերումները» հյուսիսում:

Նա հավելել է, որ Իսրայելի պաշտպանության բանակը «թույլ չի տա վերադառնալ մինչև հոկտեմբերի 7-ի անվտանգության իրականություն , և մենք թույլ չենք տա, որ նման իրադարձություն կրկնվի»։

«Օդային ուժերը շարունակում են առանց դադարի հարվածներ հասցնել։ Շենքն ընկնում է, երբ թշնամու թիրախ է, շենքը ընկնում է, երբ վտանգ է ներկայացնում մեր ուժերի համար»,-ասել է Հալևին։

Աղբյուրը՝ news.am