Նոր տարվա գիշերը ձյուն չենք տեսնի. Գագիկ Սուրենյանը` առաջիկա 5 օրվա եղանակի մասին

● Լրահոս

28.12.2023 ● 10:23

Նոր տարվա գիշերը ձյուն չենք տեսնի. Գագիկ Սուրենյանը` առաջիկա 5 օրվա եղանակի մասին

Հայաստանում դեկտեմբերի 31-ին` Նոր տարվա գիշերը, ձյուն չի լինի։ Տեղեկությունը Sputnik Արմենիային հայտնեց ՀՀ շրջակա միջավայրի նախարարության հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

«Ո՛չ Նոր տարվա գիշերը, ո՛չ էլ ցերեկը ձյուն չի լինի։ Առաջիկա 5-6 օրը տեղումներ չեն լինի, որովհետև անտիցիկլոնային դաշտի ազդեցության գոտում ենք»,-ասաց Սուրենյանը։

Նա նշեց, որ երեկ Արարատյան դաշտում մինչև +17.5 աստիճան է գրանցվել, ինչը հայաստանյան օդերևութաբանական պատմության մեջ ամենաբարձր ջերմաստիճանն է եղել դեկտեմբերի 3-րդ տասնօրյակում։

Սուրենյանի խոսքով` Հայաստանն առաջիկա 5 օրերին դեռևս արևադարձային տաք օդի ալիքի ազդեցության գոտում է լինելու` Սյունիքի հովտային գոտում մինչև 20 աստիճան տաքություն կդիտվի, Տավուշի ցածրադիր հատվածներում և Արարատյան դաշտում` մինչև 15-16 աստիճան։ Դեկտեմբերի 29-ին` գիշերային ժամերին, մոտ 3-4 աստիճանով կցրտի, բայց ցերեկը ջերմաստիճանի փոփոխություն չի լինի։

Այժմ Հայաստանում օդի ջերմաստիճանը կլիմայական նորմայից բարձր է 10-12 աստիճանով։ Սուրենյանն այս իրավիճակը բացատրում է 2 կոմպոնենտով` համաշխարհային գլոբալ տաքացմամբ, և որ Հայաստանն այժմ տաք ցիկլում է։

2024 թվականի հունվարի վերաբերյալ կանխատեսումները կլինեն դեկտեմբերի 29-ին։

● Այս խորագրի վերջին նյութերը

Դեսպան Լիլիթ Մակունցի եղբոր ընկերությունը դարձյալ ապօրինի ավազ է արդյունահանել

14.11.2024 ● 16:43

«Իկս Ֆարմինգ» ՍՊԸ-ի գյուղնշանակության հողատարածքից դարձյալ ապօրինի ավազ է արդյունահանվել:

Դեմ ենք քաղաքային տրանսպորտի մինչև 300 դրամ թանկացմանը․ միացիր, որ փոխենք (տեսանյութ)

14.11.2024 ● 16:30

Ո՛չ տրանսպորտի թանկացմանը։

Խաչմերուկը փակ է․ Նիկոլ Փաշինյանի ավտոշարասյունն է անցնում

14.11.2024 ● 15:46

Խաչմերուկը փակ է․ Նիկոլ Փաշինյանի ավտոշարասյունն է անցնում։

Ադրբեջանը և Թուրքիան համատեղ ռազմածովային զորավարժություններ կանցկացնեն

14.11.2024 ● 15:38

Զորավարժությունները տեղի կունենան նոյեմբերի 18-ից 29-ը Միջերկրական ծովում՝ Մուղլա նահանգի Ակսազ շրջանի ափերի մոտ։

Երրորդ հանրապետության մեծագույն սխալը ձեզ իշխանություն տալն էր․ Խամոյանը՝ Փաշինյանին (տեսանյութ)

14.11.2024 ● 15:35

Դուք էս մարդկանց կոչ եք արել գնալ կռվել, նրանց մի մասն էլ զոհվել է, հետո հայտարարել եք, որ էն գլխից մենք պարտված էինք, արդյունքը նույնն էր լինելու՝ միայն առանց զոհվելու։