Հնագետները գտել են բազմապատկման աղյուսակի հնագույն նմուշներ չինական 2300-ամյա դամբարանում, տեղեկացրել է Arkeonews-ը։

Այն գտել են Ցզինչժոու քաղաքում (Հուբեյ նահանգ)։ M1093 թվով դամբարանում հայտնաբերվել են հազարավոր թղթեր, որոնց վրա կան ավելի քան 30 հազար խորհրդանշաններ, որոնք վերաբերում են մաթեմատիկային, գրականությանը, անասնաբուծությանը և բժշկությանը։ Բամբուկե թղթերը ամենատարածվածն էին գրության համար։

Դրանց վերծանումը ցույց է տվել, որ բամբուկի վրա գրված էր. «հինգ անգամ յոթ-երեսուն գումարած հինգ, չորս անգամ յոթ-քսան գումարած ութ, երեք անգամ յոթ-քսան գումարած մեկ»։ Գիտնականները հայտնաբերել են նաև հանրահաշվական աղյուսակի հնագույն հայտնի օրինակը։

Ծածկագրերը վերաբերում են Մարտնչող թագավորությունների շրջանին (մ.թ.ա. 475-221թթ.), որն ավարտվել է Ցին Շիհուանդի կայսեր կառավարմամբ, նա միավորել է պառակտված Չինաստանը և հիմնել Ցին հարստությունը։

Մինչ այս հայտնագործությունը բազմապատկման հնագույն աղյուսակ էին համարվում Հունան կենտրոնական նահանգում գտնված բամբուկե թղթերը, դրանք մեկ հարյուրամյակ ավելի երիտասարդ են, քան Ցզինչժոուում հայտնաբերվածները։

Աղբյուրը՝ news.am