14.11.2024 ● 15:46
14.11.2024 ● 15:38
14.11.2024 ● 15:01
14.11.2024 ● 11:18
14.11.2024 ● 04:26
13.11.2024 ● 19:29
13.11.2024 ● 17:14
13.11.2024 ● 17:00
Իրանի ԱԳ նախարարը հերքել է մտավախությունը, թե Մեծամորի ատոմակայանն աղտոտում է Արաքս գետը
Իրանի արտաքին գործերի նախարար Հոսեյն Ամիրաբդոլլահիանը հերքել է տեղեկություններն այն մասին, որ Հայաստանի Մեծամորի ատոմակայանը ռադիոակտիվ նյութերով աղտոտում է սահմանային Արաքս գետը: Այս մասին նա ասել է Իրանի խորհրդարանի ազգային անվտանգության և արտաքին քաղաքականության հանձնաժողովի նիստի ժամանակ։
ԱԳ նախարարը հայտարարել է, որ Իրանի ատոմային էներգիայի կազմակերպությունը հերքել է Մեծամորի ատոմակայանի շահագործման հետևանքով Արաքս գետի ցանկացած աղտոտում:
Նշենք, որ դեռ 2022 թվականին ադրբեջանական լրատվամիջոցները գրում էին, որ Մեծամորի ատոմակայանն օրական 12 000-16 000 խմ ռադիոակտիվ թափոն է թափում Արաքս գետ։
Ըստ նրանց, Մեծամորի գործարանի շահագործման ժամկետը, որի առաջին էներգաբլոկը շահագործման է հանձնվել Խորհրդային Միության կողմից 1976 թվականին, ավարտվել է տարիներ առաջ, սակայն այն դեռ աշխատում է և բնապահպանական վտանգ է ներկայացնում Թուրքիայի, Ադրբեջանի, Ռուսաստանի, Վրաստանի, Իրանի և Ղազախստանի համար:
Աղբյուրը՝ armeniasputnik.am