Ամերիկացի հետազոտողները հաջորդ 7 շաբաթը կանցկացնեն Հարավային բևեռի մոտ՝ փնտրելով սառույցի ամենահին կտորը, որը գիտնականների կարծիքով լույս կսփռի այն բանի վրա, թե ինչպես է ապրել մեր մոլորակը մոտ 1,5 միլիոն տարի առաջ, հաղորդում է CBS News-ը։

Այսօր հետազոտողների տրամադրության տակ են մոտ 800 000 տարեկան սառույցներ, սակայն գիտնականները կարծում են, որ Անտարկտիդայի սառույցի տակ կարելի է շատ ավելի հին նմուշներ գտնել, հայտնում է Focus պորտալը։ Թիմը հույս ունի հավաքել մոտ 1,5 միլիոն տարվա վաղեմության նմուշներ՝ ենթադրելով, որ դա նրանց թույլ կտա վերստեղծել այն պայմանները, որոնցում Երկիրը ապրել է ժամանակակից ժամանակներից մինչև 1,5 միլիոն տարի առաջ:

Մինչ օրս 800,000 տարվա հնություն ունեցող սառցե միջուկի ամենահին նմուշով գիտնականները կարողացել են վերականգնել պատմությունը, թե ինչպես է փոխվել ածխաթթու գազի քանակությունը Երկրի մթնոլորտում ժամանակի ընթացքում: Տվյալները ցույց են տալիս, որ Արդյունաբերական հեղափոխությունից հետո ածխաթթու գազի մակարդակը կտրուկ բարձրացել է, իսկ հետո շարունակել աճել ամեն տարի՝ ավելի ու ավելի տաքացնելով մոլորակը: Այժմ գիտնականները կենտրոնանում են սառույցի էլ ավելի հին կտոր գտնելու վրա, որը նրանց թույլ կտա հետագծել մոլորակի պատմությունը:

Աղբյուրը՝ news.am