ՈՒՇԱԴՐՈՒԹՅՈՒՆ

Հարգելի հայրենակիցներ, ձեզ եմ տեղեկացնում, մեր երկրում տիրող, հայկականությունը քողարկող ևս մեկ փաստ։

2023 թվականի նոյեմբեր ամսին, դպրոցներին գրություն է ուղարկվում, «կրթական նորություններ» ինչ որ բաժնից, որը ԿԶՆԱԿ-ի մի ենթակառույց է, ուսուցիչներին մեդիագրագիտության դասընթացների մասնակցելու, ՀԵՏԱԶՈՏԱԿԱՆ աշխատանք ներկայացնելու նպատակով, որի արդյունքում ուսուցիչը պետք է հավաստագիր ստանար։ Իմ հետազոտական աշխատանքի թեման եղել է՝ 9-րդ դասարանի Հայաստանի աշխարհագրության «ՀԱՅԱՍՏԱՆ. Հայկական Լեռնաշխարհ» թեմայի ամփոփումը։ Որտեղ շեշտադրել եմ, որ Հայկական լեռնաշխարհը հայերի ԲՆՕՐՐԱՆՆ Է։ Այսօր, ես իրենց կողմից ուղարկված նամակով տեղեկանում եմ, որ իմ աշխատանքը չի ընդունվել, և գիտե՞ք ինչ անհեթեթ պատճառով, պատճառը նշում են, որ նման թեմա չկա դպրոցական դասընթացում։ Դուք պատկերացնու՞մ եք դա ի՞նչ է նշանակում։ Կից ներառում եմ՝ ինձ ուղարկված պատասխանը, իմ աշխատանքից մի քանի թերթ, և խնդրում եմ անպայման թերթեք 9-րդ դասարանի Հայաստանի աշխարհագրության դասագիրքը՝ ԵՎ ՀԵՏԵՎՈՒԹՅՈՒՆՆԵՐ ԱՆԵՔ։

Մեդիագրագիտություն

Կրթական նորարարություն

09.01 21:27

[email protected],

Հարգելի մասնակից

Նախևառաջ ուզում ենք շնորհակալություն հայտնել «Մեդիագրագիտությունը՝ որպես արդյունավետ դասավանդման և ուսումնառության կարողունակություն» թեմայով վերապատրաստմանը մասնակցելու և ուսումնական նյութեր պատրաստելու համար:

Ձեր աշխատանքն ուսումնասիրվել է, սակայն, ցավոք, այն Պաշարների շտեմարանում տեղադրվել չի կարող, քանի որ այն կամ սեմինարի նյութ է և ինտեգրված չէ դպրոցական առարկայական ծրագրում, կամ կրկնություն է և նկատելի են պատճենումներ այլ սեմինարներից, կան վիճելի փաստեր, կամ աշխատանքն իրականացվել է այլ ծրագրի շրջանակում, կամ բացակայում են սովորողների մոտ մեդիագրագիտության խթանման տարրերը:

Մաղթում ենք ամենայն բարիք և ստեղծագործական մեծ ավյուն:

Հարգանքով՝

Կրթական նորարարությունների բաժին

Աստղիկ Մարգարյանի ֆեյսբուքյան էջից