Les Remarquables de Martell-ը շքեղ կոնյակ է, որը կարող է ներկայանալ նաև, որպես էքստրավագանտ զարդ: Աշխարհի ամենաթանկ կոնյակներից մեկը ստացվում է Grande Champagne-ի երկու կոնյակի սպիրտների խառնուրդից։

Դրա բացառիկությունը կարելի է բացատրել նաև նրանով, որ խառնուրդը բաղկացած է երկու կոնյակից՝ յուրաքանչյուրը 70 տարեկան, որոնք ընտրվել են մառանի վարպետ Քրիստոֆ Վալտոյի կողմից։ Դրանցից մեկն ավելի երկար է հնեցվում կաղնե տակառի մեջ, դրա բույրին հատուկ են ուժն ու լարվածությունը՝ մայրու ընդգծված նոտաներով: Երկրորդը թարմ է և վառ՝ մեղրի, սպիտակ ծաղիկների և քաղցր մրգերի նոտաներով։

L’Or Réserve du Château de Chanteloup-ի նման բացառիկ խառնուրդը արժանի է ամենաշլացուցիչ շշին (dame-jeanne):

Ֆրանսիացի նկարչուհի Լորենտինա Պերիլյուն, ով հայտնի է իր մակրամե աշխատանքով, շքեղ երանգ է հաղորդել արտադրանքին՝ օգտագործելով ոսկե թելեր: «Իմ նպատակն էր անտեսանելին տեսանելի դարձնել,-ասել է նա,-Երկրից մինչև Արև, հողի արմատներից մինչև տերևները, որոնք ուղղված են վերև՝ դեպի լույսը»:

Ոսկու թելերը խորհրդանշում են արմատները և զարդարված են փոքրիկ ոսկյա բեկորներով, որոնք շշին գլամուր են հաղորդում: Գլուխգործոցը լրացնում են երեք սինթետիկ շափյուղաներ և մեկ ադամանդ՝ 22 կարատանոց ոսկու վրա, ինչպես նաև՝ 300 տարեկան կաղնուց պատրաստված 40 կաբոշոն։

Maison Martell-ն առաջարկում է նաև պատվերով աքսեսուարներ: Baccarat-ի վեց բաժակների հավաքածու, մակրամեի ոճով պատրաստված շշի զարդարանք և մի զույգ սպիտակ ձեռնոցներ, որոնք կօգնեն ձեզ ստեղծել յուրահատուկ կենսափորձ: Ակնկալվում է, որ Les Remarquables de Martell-ը կվաճառվի մոտ 1,1 միլիոն դոլարով:

Աղբյուրը՝ style.news.am