Օկլահոմայի նահանգի (ԱՄՆ) բնակչուհին, որը ծնվել է 1924թ. փետրվարի 29-ին, տոնել է հարյուրամյա հոբելյանն ու 25-րդ ծննդյան օրը, տեղեկացրել է USA Today պարբերականը։

Մերի Լի Ֆորսայթը ծնվել է նահանջ տարում։ Չնայած 2024թ. լրացել է կնոջ 100-ամյակը, և ազգականները երբեք չեն անտեսել նրան՝ նախորդ տարիներին նրա ծննդյան օրը նշելով փետրվարի 27-ին, 28-ին կամ մարտի 1-ին, հոբելյարը կատակում է, որ ինքն ընդամենը 25 տարեկան է։

Ամերիկուհին կարծում է, որ հիասքանչ կյանք է ունեցել։ Լրագրողների հետ զրույցում նա պատմել է, որ ամուսնացել է սիրով և ամուսնու հետ ապրել 68 տարի։ Միասին մեծացրել են երկու երեխաներին։ Հոբելյարը նշել է, որ հպարտ է, որ եղել է մեքենագրուհի ու սղագրուհի։ Նա նաև նշել է, որ ամբողջ կյանքի ընթացքում հավատարիմ է մնացել քրիստոնեական արժեքներին։

«Վեց տարեկանում առաջին անգամ ծնկի եմ եկել խորանի առջև և Հիսուսին խնդրել մտնել իմ սիրտը։ Ես երբեք չեմ ափսոսել ապրած տարիների համար և վստահորեն կասեմ, որ դրանցից յուրաքանչյուրը հիասքանչ էր»,-նշել է Ֆորսայթը։