Շատ կաթնասուններ օգտագործում են դեմքի արտահայտությունը` զգացմունքները փոխանցելու համար, բայց կետաձկները հիմնականում զուրկ են դեմքի որեւէ արտահայտությունից: Չնայած նրանք ունեն դեմքի մկաններ, նրանց կծկումները թաքնված են ամուր, առաձգական մաշկի տակ: Համեմատության համար նշենք, որ պրիմատները, շները, խոզերը և այլ կենդանիներ, որոնք, ինչպես հայտնի է, շփվում են դեմքի արտահայտությունների միջոցով, ունեն շատ առաձգական մաշկ:

Animal Cognition ամսագրում հրապարակված նոր հետազոտության համաձայն, բելուգա կետերը (Delphinapterus leucas) փոխում են իրենց գլխի ձևը, գլխի վրա ուռուցիկ ճարպային բարձիկներ, ակուստիկ ոսպնյակներ են հայտնվում՝ այլ կետերի հետ շփվելու համար:

Դրանք պատրաստված են ճարպային հյուսվածքից և հայտնի են, որ ուժեղացնում են լսողական ազդանշանները, որոնք առանցքային են կետերի սոցիալական փոխազդեցության համար: Սակայն գիտնականները հայտնաբերել են, որ դրանք կարող են նաև ծառայել որպես տեսողական ազդանշաններ:

«Այդ ուռուցիկությունների ձևերը, ըստ երևույթին, գործում են որպես տեսողական ցուցադրումներ՝ դիտավորյալ հաղորդակցման որոշ բնութագրերով»,-գրում են գիտնականները: «Այս ունակությունը կարող է հարմարվողական օգուտներ տալ բելուգա կետերին՝ հաշվի առնելով նրանց բարդ սոցիալական կառուցվածքը և ենթադրյալ զուգավորման համակարգը, որն ընդգծում է էգ զույգի ընտրությունը մինչև զուգավորումը»:

Աղբյուրը՝ news.am