Ուկրաինան ներգրավված է Crocus City Hall համալիրում տեղի ունեցած ահաբեկչությանը. այսպես է պատասխանել ՌԴ Անվտանգության խորհրդի քարտուղար Նիկոլայ Պատրուշևը հարցին, թե ով է կանգնած հարձակման հետևում՝ «Իսլամական պետություն» ահաբեկչական կազմակերպությո՞ւնը, թե՞ Ուկրաինան։

«Իհարկե, Ուկրաինան»,-ասել է Պատրուշևը:

Նրա խոսքերը փոխանցում է Shot թելեգրամյան ալիքը։

Հիշեցնենք, որ մարտի 22-ի երեկոյան մի խումբ զինված տղամարդիկ ինքնաձիգներից կրակ են բացել Մոսկվայի Crocus City Hall-ում, ինչից հետո տեղում պայթյուն է տեղի ունեցել և հրդեհ է բռնկվել: Հաղորդվում է առնվազն 137 զոհի մասին: ՌԴ ԱԴԾ-ն հայտարարել է, որ մարդկանց վրա կրակած ահաբեկիչները ձերբակալվել են Ռուսաստանի Դաշնության Բրյանսկի շրջանում՝ Ուկրաինայի հետ սահմանի մոտ, և որ նրանք ուղևորվում էին Ուկրաինա, քանի որ «այնտեղ կապեր ունեն»։ ՌԴ նախագահ Վլադիմիր Պուտինի խոսքով՝ ահաբեկչության համար կասկածվողների համար «պատուհան էր պատրաստվել Ուկրաինայի հետ սահմանը հատելու համար»։ Ուկրաինական հետախուզությունը հայտարարել է, որ Ռուսաստանի տարածած վարկածը, թե Մոսկվայի մարզում ահաբեկչության հեղինակները փախուստի էին դիմում Ուկրաինա, իրականությանը չի համապատասխանում:

Աղբյուրը՝ tert.am