Թուրքիայի իշխանությունները ցանկանում են Իրաքի հետ սահմանին տեղակայել С-400 զենիթահրթիռային համակարգեր, որոնք Անկարան գնել էր Ռուսաստանից։ Այս մասին հայտնում է Türkiye թերթը՝ վկայակոչելով աղբյուրներ։

«Թուրքիայի զինված ուժերը և նյութատեխնիկական ապահովման ստորաբաժանումներն արդեն մասամբ սկսել են նախապատրաստվել ՀՕՊ համակարգերի տեղակայմանը։ Հաղորդվում է, որ Ռուսաստանից գնված С-400-ները կարող են տեղակայվել նաև սահմանային գծում»,-ասվում է հրապարակման մեջ։

Թերթի համաձայն՝ Թուրքիայի սահմանամերձ շրջաններում տեղակայման գործընթացը նախատեսվում է արագացնել մուսուլմանական Իդ ալ-Ադհա տոնի ավարտից հետո կամ հաջորդ շաբաթ։

Միաժամանակ Թուրքիան ավարտել է նաև Հյուսիսային Իրաքում Թուրքիայում արգելված Քրդստանի աշխատավորական կուսակցության (PKK) դեմ գործողություն սկսելու նախապատրաստական աշխատանքները։

Türkiye-ի տեղեկություններով՝ թուրք զինվորականներով զորամասերը սկսել են տեղափոխվել սահմանամերձ շրջաններ։ Հրատարակության տվյալներով՝ գործողությունը կարող է սկսվել Թուրքիայի նախագահ Ռեջեփ Թայիփ Էրդողանի Իրաք այցից հետո։ Այցը նախատեսված է ապրիլի 22-ին։

Աղբյուրը՝ tert.am