Կիրակի երեկոյան Դելիի Ղազիպուրի աղբավայրում զանգվածային հրդեհ է բռնկվել, և ջանքեր են գործադրվում հրդեհը մարելու համար։ Աղբավայրը համարվում է աշխարհում խոշորագույններից մեկը. 2019 թվականին Ղազիպուրում աղբավայրի բարձրությունը 65 մետր էր։

Ինչպես գրում է The Hindustan Times-ը, Ղազիպուրի աղբավայրում հրդեհը բռնկվել է կիրակի երեկոյան ժամը 18-ի սահմաններում, և ինտենսիվ հրդեհի պատճառով դեպքի վայր են մեկնել տասնյակ հրշեջ մեքենաներ:

Դելիի հրշեջ ծառայության ներկայացուցիչ Նարեշ Կումարը ANI-ին ասել է, որ աղբավայրում բռնկված հրդեհը առաջացել է աղբավայրում առաջացած գազի պատճառով:

Հրդեհը քաղաքական կուսակցությունների միջև փոխադարձ մեղադրանքների պատճառ է դարձել երկրում խորհրդարանական ընտրություններից առաջ։ Դելիի գլխավոր նախարար Արվինդ Քեջրիվալը խոստացել էր մաքրել այս աղբավայրը մինչև անցյալ տարվա դեկտեմբերի 31-ը, սակայն այդ ժամանակից ի վեր աղբավայրի բարձրությունն աճել է։

Աղբյուրը՝ tert.am