Սալմա Հայեքն ապացուցում է, որ ժամանակն իր դեմ անզոր է՝ համեմատելով 1999 թ-ի և 2020 թ-ի իր լուսանկարները։ Երկու լուսանկարներում էլ 57-ամյա դերասանուհին ցուցադրում է իր սլացիկ և կանացի կազմվածքը։

Առաջին լուսանկարում նա պառկած է կողքի վրա՝ գլուխը հենած ձեռքին՝ ցույց տալով իր հարթ ստամոքսը: Երկրորդում նույն դիրքով է, բայց ամբողջական լողազգեստով։ «Գրեթե երկու տասնամյակ անց»,-լուսանկարը մակագրել է դերասանուհին։

Միևնույն ժամանակ, իր հումորի զգացումով հայտնի Սալման հրապարակել է նաև իր լուսանկարիչ Էդգար Ռամիրեսի լուսանկարը, որը կրկնօրինակել է նրա կեցվածքը։ «Որոշ դիրքեր երբեք չեն հնանում»,-գրել է նա։

«Սալմա Հայեքը պետք է միայն գինի խմի, քանի որ տարիքի հետ լավանում է», «Դուք չեք ծերանում, դուք պարզապես ավելի գեղեցիկ եք դառնում», «Հավերժական գեղեցկություն»,-հիացել են դերասանուհու երկրպագուները։