Ոստիկանությունն Ազգային ժողովի բակում անցավ հատուկ միջոցներ կիրառելու։ Այժմ ցուցարարների ուղղությամբ ոստիկանները կիրառում են լուսաձայնայն նռնակներ։ Ազգային ժողովի բակում այս պահին իրավիճակը գերլարված է։

Ինչպես NEWS.am-ի թղթակիցն է հաղորդում դեպքի վայրից, հատուկ միջոցների կիրառման հետևանքով կան տուժածներ։ Մեր թղթակիցը ֆիքսել է, թե ինչպես են մի երիտասարդի արյունոտված վիճակում տեղափոխում դեպքի վայրից։

***

Ոստիկանները շարունակում են խուլիգանական վարք դրսևորել և շշեր շպրտել մարդկանց ուղղությամբ։ Նրանք նաև խոչընդոտում են ընդդիմադիր պատգամավորների մուտքը ԱԺ շենք։

***

Իրավիճակը Բաղրամյան պողոտայում շարունակում է խիստ լարված մնալ: Ոստիկանները խուլիգանի վարք են դրսևորում:

***

Ոստիկանության բարձրաստիճան սպաները անձամբ են խփում մարդկանց։

***

Նռնակները պայթեցնում են մարդկանց մեջ:

***

Բաղրամյան պողոտայում ոստիկանության գործողությունների հետևանքով վնասվածք ստացած արցախցիներից մեկը NEWS.am-ի թղթակցի հետ զրույցում պատմեց, որ վնասվածք են ստացել նաև կանայք:

Նրա խոսքով, կանանցից մեկը գլխի շրջանում է վնասվածք ստացել, այս պահին էլ հիվանդանոցում են գտնվում: