ՀՀ-ում 1000 դոլարի համար սափրել են քաղաքացու գլուխը, ստիպել մերկանալ. կալանավորվածներ կան

● Լրահոս

04.07.2024 ● 17:25

ՀՀ-ում 1000 դոլարի համար սափրել են քաղաքացու գլուխը, ստիպել մերկանալ. կալանավորվածներ կան

Երևանում 1000 դոլարի համար երկու անձինք քաղաքացուն առևանգել են, սափրել գլուխը, ծեծել, ստիպել մերկանալ և այդ ամենը տեսագրել են։ Տեղեկությունը հայտնում է ՀՀ քննչական կոմիտեն։

Մայիսի 24-ին քաղաքացին հաղորդում է տվել, որ իր երկու ծանոթները գումարային պարտքի շուրջ ծագած վիճաբանությունից հետո իր կամքին հակառակ իրեն պահել են Երևան քաղաքի Տիտոգրադյան փողոցի բնակարաններից մեկում և ծեծի ենթարկել։

Հարուցված քրեական գործի նախաքննությամբ պարզվել է, որ դեպքից օրեր առաջ տուժողը վարձակալությամբ վերցված ավտոմեքենայով վթարի է ենթարկվել և չի կարողացել փոխհատուցել պատճառված 1000 դոլար վնասը, ինչի շուրջ վիճաբանություն է ունեցել ավտոմեքենայի սեփականատիրոջ հետ:

Վիճաբանությանը միջամտել են տուժողի ծանոթները` Երևանի երկու բնակիչներ, որոնք ավտոմեքենայի սեփականատիրոջը հավաստիացրել են, որ գումարը կփոխանցվի։

Նրանք տուժողին ստիպել են գումարը մարելու համար հափշտակություն կատարել, սակայն նա չի կատարել և դիմել է փախուստի։

«Նույն օրը նշված անձինք այցելել են տուժողի բնակության հասցե, նրան խաբեությամբ տեղափոխել են Երևան քաղաքի Տիտոգրադյան փողոցի բնակարաններից մեկը, որտեղ նախ ծեծի են ենթարկել նրան, ապա սափրել են գլուխը և ստիպել մերկանալ ու մտնել զուգարան, կատարել արժանապատվությունը նվաստացնող գործողություններ, ինչն ամբողջությամբ տեսաձայնագրել են բջջային հեռախոսով։ Այդ ամենից հետո հարազատների միջոցով գումարը փոխանցվել է տղամարդուն առևանգած հիշյալ անձանց, և նրան բաց են թողել»,-հայտնում է ՔԿ–ն։

Հունիսի 28-ին նշված անձինք ձերբակալվել և ներկայացվել են վարույթ իրականացնող մարմնին:

Քրեական վարույթի ընթացքում կատարվել է դեպքի վայրի զննություն, որի ընթացքում ձերբակալված անձանցից մեկը ներկայացրել է դեպքի մանրամասները, նրա հեռախոսի զննությամբ հայտնաբերվել են դեպքին առնչվող տեսաձայնագրությունները։

Վերոհիշյալ երկու անձանց նկատմամբ ՀՀ քրեական օրենսգրքի 192-րդ հոդվածի 2-րդ մասի 5-րդ կետով (մի խումբ անձանց կողմից նախնական համաձայնությամբ ազատությունից ապօրինի զրկելը) և 196-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ուժեղ ցավ կամ հոգեկան ուժեղ տառապանք պատճառելը) հանրային քրեական հետապնդում է հարուցվել։ Նրանց նկատմամբ որպես խափանման միջոց ընտրվել է կալանքը։

● Այս խորագրի վերջին նյութերը

Փրկարարներն արգելափակումից դուրս են բերել 2 ձնագնաց և 1 տրակտոր

28.12.2024 ● 15:41

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Ալիևը 2025 թվականը «Սահմանադրության և ինքնիշխանության տարի» է հայտարարել

28.12.2024 ● 15:39

Ալիևը 2025 թվականը «Սահմանադրության և ինքնիշխանության տարի» է հայտարարել:

Երևանում «BMW»-ն բախվել է կայանված «Ford»-ին. վերջինն էլ՝ մեկ այլ ավտոմեքենայի. կա տուժած

28.12.2024 ● 15:37

Բախման հետևանքով էլ «Ford»-ը հետ է ընթացել և բախվել ճանապարհի թույլատրելի հատվածում կայանված բեռնատար «Ford»-ին:

18+ մեկնաբանություններ՝ Փաշինյանի՝ Էթիկա սովորեցնելու գրառման տակ

28.12.2024 ● 15:23

Նիկոլ Փաշինյանի գրառման տակ բազմաթիվ մեկնաբանություններ են, որոնք հիմնականում քննադատություն են, հայհոյանք, վիրավորանք։

Թանկացման թալանը ոչ մի օգուտ չի կարող տալ, բացի քաքաղացիների կյանքը դժվարացնելուց

28.12.2024 ● 14:12

Սա ևս մեկ անգամ ապացուցում է, որ վերգետնյա և ստորգետնյա ավտոկայանատեղիների պակաս ունենք, քանի որ մարդիկ իրականում պետք է ավելի շատ օգտվեին ավտոկայանատեղերից, քան Ա և Բ գոտիներից։