Ֆրանսիայի խորհրդարանական ընտրություններում հաղթել են ձախերը

● Աշխարհ

08.07.2024 ● 08:48

Ֆրանսիայի խորհրդարանական ընտրություններում հաղթել են ձախերը

Ֆրանսիայի խորհրդարանական ընտրություններում հաղթանակ է տարել «Նոր ժողովրդական ճակատ» ձախ կուսակցությունների կոալիցիան՝ Ժան Լյուկ Մելանշոնի գլխավորությամբ ստանալով 182 տեղ, հայտնում է Monde պարբերականը։

Մելանշոնն արդեն հայտարարել է, որ իր քաղաքական ուժը մտադիր չէ կոալիցիա կազմել Էմանուել Մակրոնի դաշինքի հետ: Ավելի վաղ նա Ֆրանսիայի նախագահին կոչ էր արել ընտրություններում առաջատար դաշինքին հանձնարարել կառավարություն ձևավորել:

Երկրորդ տեղը զբաղեցրել Է Մակրոնի կոալիցիան՝ 168 տեղ։ Երրորդը Մարին Լը Պենի «Ազգային միավորումն» է 143 տեղով։

Ընդ որում, ընտրությունների առաջին փուլում Լը Պենի կուսակցությունը հավաքել է ամենաշատ ձայները, և նրան խորհրդարանում մեծամասնություն էին կանխատեսել։

Ֆրանսիական TF1-ին տված հարցազրույցում քաղաքական գործիչը նշել է, որ ինքը շատ հիասթափություններ է ունեցել, ու հիմա այս արդյունքն ինքը դիտում է որպես ապագա հաղթանակի հետաձգում։

Հիշեցնենք՝ հունիսի 30-ին տեղի ունեցած ընտրությունների առաջին փուլում մասնակցությունը ռեկորդային է եղել՝ գերազանցելով 66 տոկոսը։ Աջակողմյան «Ազգային միավորում» կուսակցությունը Հանրապետականների կուսակցության դաշնակիցների հետ միասին հավաքել էր ձայների 33,15 տոկոսը, ձախակողմյան «Նոր ժողովրդական ճակատ» դաշինքը ստացել էր 27,99 տոկոսը, նախագահ Էմանուել Մակրոնի կոալիցիան երրորդն էր 20,04 տոկոսով:

Ֆրանսիայի խորհրդարանական տեղերը 577-ն են։

Աղբյուրը՝ arm.sputniknews.ru

● Այս խորագրի վերջին նյութերը

Թուրքիայի Մուղլա քաղաքում ուղղաթիռը բախվել է հիվանդանոցի շենքին, 4 մարդ է զոհվել (տեսանյութ)

22.12.2024 ● 13:07

Վթարի պատճառները պարզվում են։

Իրանում ավտոբուսի շրջվելու հետևանքով 10 մարդ է զոհվել

21.12.2024 ● 19:34

Որոնողափրկարարական աշխատանքները շարունակվում են:

Գերմանիայում ավտոմեքենան մխրճվել է մարդկանց մեջ, կան զոհեր ու տուժածներ

21.12.2024 ● 11:46

Ոստիկանությունը հայտնել է, որ կարծում է, որ մեքենայի վարորդը գործել է միայնակ:

Նորվեգիայում 170 ուղևորով ինքնաթիռը վայրէջք է կատարել ծովից ընդամենը մի քանի մետր հեռավորության վրա (լուսանկար)

20.12.2024 ● 16:07

Միջադեպի պատճառը եղել են սայթաքուն թռիչքուղին և քամին։

Ադրբեջանում թուրքական ռազմաբազա պետք չէ․ Ալիև (տեսանյութ)

18.12.2024 ● 10:31

Ադրբեջանի և Թուրքիայի դաշնակցային հարաբերությունների մասին Շուշիի հռչակագրում կետ կա, որը ենթադրում է փոխադարձ ռազմական օգնություն սպառնալիքի և ագրեսիայի դեպքում։