Անգլիական Վեսթ Միդլենդս կոմսությունում հնագետները պեղումների ժամանակ նախկինում անհայտ երկու հռոմեական վիլլա են հայտնաբերել, հայտնում է BBC-ն։

Շրոփշիրում 18-րդ դարի Աթինգհեմ կալվածքում հետազոտություններ իրականացնող փորձագետները հայտնաբերել են երկու տարբեր վիլլաների մնացորդներ, որոնք գտնվում են Ռոքսթերից դուրս եկող ճանապարհին։

Ռոքսթերը, որը մոտավորապես նույն չափի է, ինչ Պոմպեյը և հռոմեական Բրիտանիայի ամենամեծ քաղաքներից մեկն է, հիմնադրվել է մ.թ. առաջին դարի կեսերին որպես լեգեոներների ամրոց-քաղաք:

Տարածքը հատկապես գրավիչ էր վերաբնակիչների համար երկու գետերի միախառնման մոտ գտնվող դիրքի և գյուղատնտեսական հսկայական հնարավորությունների պատճառով: Ռոքսթերը համեմատաբար ավելի քիչ է փոփոխվել հետագա վերաբնակիչների կողմից, և այսօր նրա սկզբնական տեսքը զգալիորեն լավ է պահպանվել: Հայտնի է, որ հռոմեական ժամանակաշրջանում վիլլաները եղել են բարձր կարգավիճակ ունեցող քաղաքացիների բնակատեղիները, չնայած Շրոփշիրում միայն վեց հաստատված վիլլա է հայտնաբերվել: Վիլլաներից բացի, հետազոտողները հայտնաբերել են նաև հռոմեական ժամանակաշրջանի ճանապարհամերձ գերեզմանատուն:

Նրանք գտել են նաև նախկինում անհայտ չորս պատմական ֆերմա, որոնք, ենթադրաբար, պատկանում են ռոմանո-բրիտանական կամ երկաթի դարաշրջանին, ինչպես նաև Երկրորդ համաշխարհային պատերազմի ժամանակների օդանավակայան:

Աղբյուրը՝ news.am