«Հզբոլլահը» հրթիռակոծել է Իսրայելի հյուսիսը

● Աշխարհ

04.08.2024 ● 09:43

«Հզբոլլահը» հրթիռակոծել է Իսրայելի հյուսիսը

«Հզբոլլահը» հրթիռակոծել է Իսրայելի հյուսիսը Լիբանանի տարածքից, հայտնում է ՌԻԱ Նովոստին։

Շարժման տարածած հաղորդագրության մեջ նշվում է, որ հրթիռներն արձակվել են Իսրայելի Բեյթ Գիլել բնակավայրի ուղղությամբ՝ որպես պատասխան Լիբանանի հարավի բնակավայրերի գնդակոծության։

Իսրայելի պաշտպանության բանակը հայտարարել է, որ տասնյակ հրթիռներ կարողացել են վնասազերծել։

«Գիշերը Իսրայելի հյուսիսում հնչած ազդանշանից հետո արձանագրվել է Լիբանանի կողմից թռչող մոտ 30 արկ, որոնց մեծ մասը որսվել Է ՑԱԽԱԼ-ի հակաօդային պաշտպանության համակարգի կողմից։ Մեկ արկ ընկել է Բեյթ Գիլել շրջանում, իսկ մի քանիսը ընկել են բաց տարածքում։ Տուժածների մասին տեղեկություններ չեն ստացվել»,-ասվում է բանակի Telegram-ալիքում։

ՑԱԽԱԼ-ն իր հերթին հարված է հասցրել «Հզբոլլահի»ի արձակման կայանին և Լիբանանի հարավում գտնվող այլ ենթակառուցվածքների:

Գնդակոծությունները տեղի են ունենում Մերձավոր Արևելքում իրավիճակի հերթական սրման ֆոնին, որը կապված է պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիայի սպանության հետ: Նա զոհվել է հուլիսի 31-ին Թեհրանում իր նստավայրի վրա իսրայելական հարվածի հետեւանքով։ Շարժումը Հանիայի մահվան պատասխանատվությունը դրեց Իսրայելի և ԱՄՆ-ի վրա և հայտարարեց, որ այդ հարձակումն անպատասխան չի մնա:

Աղբյուրը՝ arm.sputniknews.ru

● Այս խորագրի վերջին նյութերը

Իրանում ավտոբուսի շրջվելու հետևանքով 10 մարդ է զոհվել

21.12.2024 ● 19:34

Որոնողափրկարարական աշխատանքները շարունակվում են:

Գերմանիայում ավտոմեքենան մխրճվել է մարդկանց մեջ, կան զոհեր ու տուժածներ

21.12.2024 ● 11:46

Ոստիկանությունը հայտնել է, որ կարծում է, որ մեքենայի վարորդը գործել է միայնակ:

Նորվեգիայում 170 ուղևորով ինքնաթիռը վայրէջք է կատարել ծովից ընդամենը մի քանի մետր հեռավորության վրա (լուսանկար)

20.12.2024 ● 16:07

Միջադեպի պատճառը եղել են սայթաքուն թռիչքուղին և քամին։

Ադրբեջանում թուրքական ռազմաբազա պետք չէ․ Ալիև (տեսանյութ)

18.12.2024 ● 10:31

Ադրբեջանի և Թուրքիայի դաշնակցային հարաբերությունների մասին Շուշիի հռչակագրում կետ կա, որը ենթադրում է փոխադարձ ռազմական օգնություն սպառնալիքի և ագրեսիայի դեպքում։