Ամերիկացի ռեփեր Թրևիս Սքոթին ձերբակալել են Փարիզում այն ​​բանից հետո, երբ նա կռվի է բռնվել իր թիկնապահի հետ, հայտնում է CNN-ը։

Ոստիկանությունը առավոտյանը ժամը 5-ին կանչվել է George V շքեղ հյուրանոց՝ ծեծկռտուքը ցրելու համար: Այնուհետև Սքոթը ձերբակալվել է «այլ անձի նկատմամբ բռնություն գործադրելու» պատճառով։

Հյուրանոցի անվտանգության աշխատակիցը փորձել է խափանել ռեփերի և նրա թիկնապահի կռիվը։ «Մենք ուղիղ կապի մեջ ենք Փարիզի տեղական իշխանությունների հետ՝ այս հարցը արագ լուծելու նպատակով, և անհրաժեշտության դեպքում կտրամադրենք թարմացված տեղեկատվություն»,-CNN-ին ասել է Սքոթի խոսնակը։

Սքոթը մի քանի օր առաջ Լիսաբոնում ավարտել էր իր Circus Maximus շրջագայության եվրոպական փուլը:

Ռեփերը առաջադրվել է 10 «Գրեմմի» մրցանակի, այդ թվում՝ «Լավագույն ռեփ ալբոմ» անվանակարգում՝ 2023 թվականի թողարկված «Utopia»-ի համար։

Բայց նա նաև բախումներ է ունեցել իշխանությունների հետ: Սքոթը հունիսին ձերբակալվել է Մայամի-Դեյդ շրջանի բանտում՝ հարբած վիճակում ոտնձգությունների և անկարգությունների մեղադրանքով:

Աղբյուրը՝ style.news.am