Ավելի քան 1700 հայկական բեռնատարներ ռուս–վրացական սահմանի «Վերին Լարս» անցակետով անցնելու էլեկտրոնային հերթի մեջ են գտնվում: Այս մասին հայտնում է Հյուսիսային Օսեթիայի ճանապարհային երթևեկության կազմակերպման կենտրոնի կայքը։

Վերջին տվյալներով` ընդհանուր առմամբ, հերթում ավելի քան 4 862 մեքենա է գրանցված տարբեր երկրներից։ Նրանցից Վրաստան մտնելու համար էլեկտրոնային հերթի մեջ գրանցված է 1761 հայկական բեռնատար։

Ներկա պահին կանաչ գոտում (սահմանային անցման կետում) 400 բեռնատար է գտնվում տարբեր երկրներից։

Խցանումները մեծանում են հանգստի սեզոնի և գյուղմթերքով բեռնված բեռնատարների մեծ հոսքի պատճառով:

Վիճակագրության համաձայն` ամեն օր Վերին Լարսով շուրջ 150 հայկական բեռնատար է անցնում։

Հիշեցնենք, որ ռազմավիրական ճանապարհը միակ գործող ցամաքային երթուղին է, որը Հայաստանը կապում է Ռուսաստանի հետ (Վրաստանի տարածքով):

Աղբյուրը՝ arm.sputniknews.ru