Իրանը դեմ է, որ ՀՀ ճանապարհի վերահսկողությունն իրականացնեն այլ երկրներ. դեսպան

● Քաղաքական

06.09.2024 ● 13:47

Իրանը դեմ է, որ ՀՀ ճանապարհի վերահսկողությունն իրականացնեն այլ երկրներ. դեսպան

Իրանը դեմ է, որ Սյունիքով Ադրբեջանը Նախիջևանին կապող ճանապարհի վերահսկողությունը սահմանեն այլ երկրների ներկայացուցիչներ։ Այդ մասին այսօր լրագրողների հետ զրույցում ասաց ՀՀ-ում Իրանի դեսպան Մեհդի Սոբհանին` պատասխանելով հարցին, թե ինչպես է Իրանը վերաբերում նրան, որ այդ ճանապարհի վերահսկողությունը հնարավոր է հանձնվի մասնավոր պահնորդական ընկերությանը։

«Մենք կողմ ենք, որ այն, ինչ կատարվում է, լինի Հայաստանի ինքնիշխանության ներքո։ Ցանկացած վերահսկողություն պետք է լինի Հայաստանի Հանրապետության կողմից, և մենք կողմ չենք, որ այլ երկրներից գան այստեղ ու փորձեն ինչ-որ անվտանգություն և վերահսկողություն սահմանեն»,–ասաց նա։

ՀՀ–ում Իրանի դեսպանը նշեց, որ լսել է մասնավոր ընկերության մասին, բայց հավելեց, որ իր տեղեկություններով՝ խոսքը անվտանգության ապահովման մասին չէ։

«Խոսքն այն մասին է, որ որևէ առևտրային ընկերության ներկայացուցիչ իր բեռը փոխադրելիս կարող է ներկա լինել այդ ճանապարհին»,–ասաց նա։

Իր տեղեկություններով` ճանապարհի անվտանգությունն ու վերհասկողությունը լինելու է ՀՀ կառավարության կողմից։

Հիշեցնենք, որ ՀՀ ԱԳ փոխնախարար Մնացական Սաֆարյանը հաստատել էր, որ խոսվում է ճանապարհի վերահսկողությանը մասնավոր ընկերության ներգրավման հնարավորության մասին, բայց հավելել էր, որ մանրամասները դեռ հայտնի չեն։

Ավելի վաղ Սոբհանին հայտարարել էր, որ այն երազները, որոնք ոմանք տեսնում են Հայաստանի մասին տարբեր անվանումներով, այդ թվում ` այսպես կոչված «միջանցքի» մասին, իրականություն չեն դառնա։

Աղբյուրը՝ arm.sputniknews.ru

● Այս խորագրի վերջին նյութերը

Քայլե՞լ ես Փաշինյանի վիրակապի կողքով՝ քեզ բնակարան և «Շեվրոլե». «Ժողովուրդ»

21.12.2024 ● 12:39

Չլիներ թավշյա իշխանափոխությունը` Աջափնյակի թաղապետ Սերոբ Սարգսյանը թերևս առ այսօր աշխատեր որպես բուքմեյքերական կետի մասնագետ։

«Պադավատապետության» մեքենաների կրճատումն ու ՆԳՆ նոր նախարարի` շարժական գույքի գնումները. «Ժողովուրդ»

21.12.2024 ● 12:29

Ներքին գործերի նախարարությունը 3 մեքենա է ձեռք բերել՝ 1 հատի արժեքը 24 մլն դրամ, իսկ ընդհանուր արժեքով՝ 72 մլն դրամ արժողությամբ։

Դատարանը հստակ արձանագրեց՝ Երևանի բեռնաթափումը կարմիր գծերի թանկացման հիմք չէ. Վահե Գրիգորյան (տեսանյութ)

21.12.2024 ● 08:24

Դատարանն անվավեր է ճանաչել «կարմիր գծերի» թանկացման որոշումը:

Քաղաքապետարանը կարմիր գծերից թալանը ցանկանում է շարունակել, «Մայր Հայաստանը» չի հանդուրժելու․ 5-րդ ալիքի ռեպորտաժը

20.12.2024 ● 23:15

Երևանի իշխանությունը պատրաստվում է 2025-ին նորից 160 հազար սահմանել կայանատեղիների դրույքաչափը` չնայած վարչական դատարանն անվավեր է ճանաչել կարմիր գծերը 13 անգամ թանկացնելու այս տարվա որոշումը:

Կապիկություն են կոչում՝ ժողովրդի լեզվով. Անդրանիկ Թևանյանը՝ Գյումրին զավթելու իշխանության ջանքերի մասին (տեսանյութ)

20.12.2024 ● 22:56

«Մայր Հայաստան» ժողովրդական շարժումն էր կոմիտեին դիմել Գյումրիում իշխանությունը զավթելու համար Նիկոլ Փաշինյանին ու ՀՀ կառավարությանը պատասխանատվության ենթարկելու պահանջով: