Չելյաբինսկի թիվ 68 դպրոցում պատանին մուրճով հարձակվել է հասակակիցների վրա։ Տեղեկությունը հայտնում են ՌԴ իրավապահ մարմինները։

Տարածաշրջանի առողջապահության նախարարության տվյալներով՝ 13-ամյա երեք դպրոցական՝ երկու աղջիկ և մեկ տղա, ինչպես նաև 1 ուսուցիչ հոսպիտալացվել են:

Հարձակվողին ձերբակալել է դպրոց կանչված Ռոսգվարդիայի ջոկատը։

Իրավապահ մարմիններից նշել են, որ հարձակում գործած դեռահասը դպրոց է տարել դանակ, մուրճ և ատրճանակ։ Դատախազությունում հստակեցրել են, որ ատրճանակը մուլյաժ է եղել։

Ռուսաստանի քննչական կոմիտեի քննիչները կատարում են դեպքի վայրի զննություն, կազմակերպվել են մի շարք քննչական գործողություններ դեպքի բոլոր հանգամանքները, պատճառներն ու պայմանները պարզելու ուղղությամբ:

ՌԴ ՔԿ տարածաշրջանային վարչության տելեգրամյան ալիքում հրապարակված կադրերում երևում են դասարանն ու դպրոցականի բնակարանը։

Քրեական գործեր են հարուցվել սպանության կազմակերպման և անփութության հոդվածներով։

Աղբյուրը՝ arm.sputniknews.ru