- Լևոն Տեր-Պետրոսյանը երբեք աչքի չի ընկել, որպես հայ դատի պաշտպան։ Նա միշտ էլ ամեն գնով պատրաստ է եղել սահմանը բացելուն։ Ազգային խնդիրների հետ կապված Լևոն Տեր-Պետրոսյանի տեսակետները մեզ համար բացարձակ ընդունելի չեն,-«7 օր»-ի հետ զրույցում մեկնաբանելով Լևոն Տեր-Պետրոսյանի ելույթը՝ ասել է ՀՅԴ Գերագույն Մարմնի անդամ Արմեն Ռուստամյանը։ Նրա խոսքերով՝ իշխանության և ՀԱԿ-ի միավորման մասին հնչած կարծիքների մեջ տրամաբանություն կա։

-Գուցե հայ-թուրքական հարաբերությունների հաստատման հարցում՝ մոտեցումները մարտավարական առումներով տարբերվի, բայց ռազմավարական նպատակները նույնն են,-ասել է նա։

ՀՅԴ բյուրոյի անդամ Արծվկ Մինասյանն էլ այն կարծիքին է, որ եթե ՀԱԿ-ը միայն պատմաբանների հանձնաժողով ստեղծելու հարցում է  իշխանությունների հետ տարակարծիք, ապա դա «հայ ժողովրդի ազգային իղձերին չի համապատասխանում»։

- ՀԱԿ-ում ընդգրկված են ոչ միայն լիբերալներ, այլև՝ սոցիալիստներ, ոչ միայն ազգայիններ, այլև՝ կոսմոպոլիտներ և նրանց այսօր միավորում է օրակարգային միայն մեկ հարց՝ իշխանափոխություն։ Եթե ազգային հարցերն են առաջ մղվում, բնական է, որ նույն  ՀԱԿ-ում տարբեր ուժեր այլ մոտեցումների կողմնակից են,- նշել է նա։