Ի գիտություն

Կապույտ կետագծերը կայանման Բ գոտին են ցույց տալիս, իսկ կարմիր կետագծերը` Ա գոտին։

Սիրելիներս.

Սոցիալական հարթակներում տարածվում է հարց, թե ի՞նչ են նշանակում կապույտ կետագծերը, պարզաբանեմ.

Ինչպես գիտենք, 2024 թվականի Հունվարի 1-ից Երևանի ավտոկայանատեղիներում կայանելու համար սահմանվեցին նոր դրույքաչափեր, որոնք այսուհետ հաշվարկվում են ըստ քաղաքի գոտիավորման:

«Ա» գոտում` կարմիր կետագծեր, կայանման մեկ ժամի համար սահմանված է 300 դրամ,

մեկ օրվա համար` 2 000 դրամ,

մեկ շաբաթվա` 5 000 դրամ,

մեկ ամսվա՝ 18 000 դրամ,

իսկ մեկ տարվա` 160 000 դրամ:

(«Ա» գոտին ներառում է Երևանի Սուրբ Գրիգոր Լուսավորիչ, Ագաթանգեղոս, Խանջյան, Ալեք Մանուկյան, Չարենց, Կորյուն, Աբովյանի պուրակ, Իսահակյան, Մոսկովյան, Սարյան և Լեոյի փողոցների շրջանակը՝ մասնավորապես Արամի, Ամիրյան, Բուզանդի, Գևորգ Քոչարի, Զաքյան, Զորյան, Թումանյան, Իտալիայի, Լեոյի, Կարեն Դեմիրճյան, Կողբացու, Հանրապետության, Մելիք Ադամյան, Մհեր Մկրտչյան /Տիգրան Մեծի պողոտայից մինչև Խորենացու փողոց /Հանրապետության փողոցի մի հատվածը/, Պուշկին, Սարյան, Վազգեն Սարգսյան, Տպագրիչների, Իսահակյան, Մովսես Խորենացու /Մաշտոցի պողոտայից մինչև Ագաթանգեղոսի փողոց հատված/, Մոսկովյան, Նալբանդյան, Վարդանանց /Սախարովի հրապարակից մինչև Խանջյան փողոց/, Տերյան, Ալեք Մանուկյան, Աբովյան, Չարենցի, Կորյունի, Ագաթանգեղոսի, Սուրբ Գրիգոր Լուսավորիչ, Բեյրութի, Խանջյան, Պարոնյան փողոցները, Բաղրամյան /Մաշտոցի պողոտայից մինչև Իսահակյան փողոց/, Մաշտոցի, Սայաթ Նովայի, Տիգրան Մեծի /Հանրապետության հրապարակից մինչև Ագաթանգեղոս փողոց հատված/ պողոտաները, Շահումյան և Սախարովի հրապարակները).

«Բ» գոտում կայանման մեկ ժամի համար սահմանված է 200 դրամ,

մեկ օրվա համար՝ 1000 դրամ,

մեկ շաբաթվա՝ 2000 դրամ,

մեկ ամսվա` 4000 դրամ,

մեկ տարվա համար՝ 24000 դրամ:

(«Բ» գոտին գծանշվում է կապույտ գույնով և ներառում է «Ա» գոտուց դուրս գտնվող Երևան քաղաքի ավագանու 25 դեկտեմբերի 2012թ. թիվ 561-Ն որոշմամբ սահմանված համայնքային սեփականություն հանդիսացող ընդհանուր օգտագործման մյուս փողոցները, պողոտաները և հրապարակները)

Ընդ որում, «Ա» գոտու ավտոկայանատեղիում կայանելու համար համապատասխան ժամանակահատվածի վճարումը տարածվում է նաև «Բ» գոտու նկատմամբ։

Ի դեպ, մինչև 15 րոպե տեղական վճար չի գանձվում, իսկ 15 րոպեից ավելի կայանելիս մեկ ժամվա համար սահմանված գումարը պետք է վճարվի նախապես` կայանելու պահից 15 րոպեի ընթացքում:

Տրանսպորտային միջոցի կայանումը ժամը 22:00-ից մինչև 09:00 անվճար է, և տեղական տուրք չի գանձվում:

Տրանսպորտային միջոցի կայանումը կիրակի օրը անվճար է և տեղական տուրք չի գանձվում:

«Մայր Հայաստան» դաշինքի անդամ Սոնա Աղեկյանի ֆեյսբուքյան էջից