Թեյլոր Սվիֆթը այժմ աշխարհի ամենահարուստ կին երաժիշտն է։ «Bad Blood»-ի երգչուհին ցուցակում առաջ է անցել Ռիհաննայից՝ Forbes-ի տվյալներով՝ 1,6 միլիարդ դոլար կարողությամբ։

Սվիֆթն առաջին տեղը գրավել է հիմնականում իր երաժշտության և կենդանի կատարումների շնորհիվ:

Փոփ աստղի կարողությունը ներառում է 600 միլիոն դոլար՝ հոնորարներից և հյուրախաղերից, ինչպես նաև երաժշտական կատալոգ, որն արժե մոտավորապես 600 միլիոն դոլար: Սվիֆթը նաև ունի մոտ 125 միլիոն դոլարի անշարժ գույք, ներառյալ իր հինգ տները Միացյալ Նահանգներում:

Երկրորդ տեղում Ռիհաննան է։ Նրա կարողությունը գնահատվում է 1,4 միլիարդ դոլար՝ շնորհիվ իր հաջողակ Fenty Beauty և Savage x Fenty ապրանքանիշերի:

Forbes-ը հայտնել է, որ Սվիֆթն առաջին անգամ միլիարդատիրոջ կարգավիճակ է ստացել 2023 թվականի հոկտեմբերին՝ շնորհիվ իր սպառված Eras շրջագայության և երաժշտական կատալոգի։

Eras Tour-ը, որը մեկնարկել է 2023 թվականի մարտին, դարձել է աշխարհի ամենավաճառվող շրջագայությունը՝ հավաքելով ավելի քան 1 միլիարդ դոլար: Սվիֆթը վաճառել է մոտ 4,3 միլիոն տոմս՝ 238 դոլար միջին գնով։ Շոուի տոմսերի պահանջարկն այնքան մեծ էր, որ Կոնգրեսի անդամները կասկածի տակ են դրել համերգների վաճառքը վերահսկելու Ticketmaster-ի իրավունքը:

Սվիֆթը ոչ միայն լավ է հանդես գալիս հյուրախաղերի ժամանակ, այլև ռեկորդներ է գերազանցում իր ալբոմները թողարկելիս: 2021 թվականին նա սկսեց թողարկել իր առաջին հինգ ալբոմների վերաձայնագրված տարբերակները, որպեսզի վերականգնի դրանց սեփականությունը այն բանից հետո, երբ Scooter Braun-ը վիճահարույց գործարքով վաճառեց իր հիմնական ձայնագրությունները ավելի քան 300 միլիոն դոլարով:

«Shake It Off»-ի երգչուհու նոր ալբոմը՝ «The Tortured Poets Department»-ը, հայտնվեց Billboard 200-ի թիվ 1-ում և ապրիլյան թողարկումից հետո 15 շաբաթ մնաց հիթ-շքերթներում: Այս տարի ալբոմը վաճառվել է ավելի շատ օրինակներով, քան ցանկացած այլ նախագիծ, միայն 2024 թվականի առաջին կիսամյակում վաճառվել է ավելի քան 2,4 միլիոն օրինակ։

Աղբյուրը՝ style.news.am