Ինքնասպանություն գործող զինվորների գործերով պետք է խորքային հետազոտություններ կատարել

● Քաղաքական

14.10.2024 ● 09:45

Ինքնասպանություն գործող զինվորների գործերով պետք է խորքային հետազոտություններ կատարել

Ինքնասպանություն գործող զինվորների գործերով պետք է ոչ միայն քրգործեր բացել ինքնասպանության հասցրած ծառայակիցների նկատմամբ, այլ պետք է խորքային հետազոտություններ կատարել այդ երեւույթի սոցիալական պատճառների, սպայական կազմի ցածր պատրաստվածության, եւ նրանց լիազորությունների սահմանափակ լինելու վերաբերյալ, զինված ուժերի հրամանատարության, ՊՆ նախարարի եւ նրա տեղակալների, ԳՇ կազմի հանցավոր անփութության, պրոֆեսոնալիզմի բացակայության մասին։

Մեր կողմից լռելը նույնպես հանցավոր անտարբերություն է, եւ, բացի այդ ամենից, սա է այսօրվա քաղաքական հրատապ հարցը։ Պետք է ոչ թե ՄԱԿ-ի գրասենյակի դիմաց անիմաստ ցույց անել, այլ իմաստալից' ՊՆ առջեւ, հետեւյալ պահանջներով.

1. Հանրությանը ներկայացնել ինքնասպանության դեպքերի տիպային պատճառների ուսումնասիրություն։

2. Եթե դա չկա, ապա պատժել այն պաշտոնյաներին, որոնք այդ աշխատանքը չեն կատարել։

3. Եթե կա նման փաստաթուղթ, ապա ներկայացնեն հետեւությունների եւ միջոցառումների պլանը։

4. ՊՆ նախարարի հրաժարական։

Հ.Գ. Հայտնի չէ, թե հենց այս պահին քանի զինվոր է գիշերը քնելուց մտածում ինքնասպանության մասին եւ նրանց միակ հույսը կարող է մենք ենք։

Ստեփան Դանիելյանի ֆեյսբուքյան էջից

● Այս խորագրի վերջին նյութերը

Զինվորի մահվան լուրը ու Երևանի կենտրոնի տոնակատարությունը

14.10.2024 ● 10:21

Ինչո՞ւ զինվոր կորցրած սպաները ինքնասպան չեն լինում, ինքը՝ նախարարը, մտածո՞ւմ է ինքնասպան լինելու մասին:

Մելիքբեկյան, հեռացի՛ր. FAF-ը պահանջում է ՀՖՖ նախագահի հրաժարականը (տեսանյութ)

14.10.2024 ● 09:56

Հոկտեմբերի 13-ին կայացած Հայաստան-Հյուսիսային Մակեդոնիա հանդիպումից հետո Հայաստանի ազգային հավաքականի գլխավոր մարզիչ Ալեքսանդր Պետրակովը հեռացվել է զբաղեցրած պաշտոնից։