Երևանի տոնը կեղծ պաթոսով ու կենացային մաղթանքներով նշող քաղաքային իշխանությունն ուզում է համոզած լինել երևանցիներին, իբրև թե բարեկարգում է մայրաքաղաքը։ Իրականում, այդ «բարեկարգման» անվան տակ մսխում են հենց երևանցիների վճարած հարկերից գոյացած գումարները։ Մասնավորապես, Ավան վարչական շրջանի Աճառյան փողոցն օրերս էր ասֆալտապատվել, բայց այսօր արդեն այդ նոր ասֆալտն իջած է ներքև, ու հեղեղատարը հայտնվել է փոսի մեջ։ Այն իբրև թե մաքրելու համար էլ հողը պարզապես հանեցին ու լցրեցին կողքը՝ հեղեղատարը թողնելով նույն խցանված վիճակում։

Քիչ ներքև էլ՝ Բուսաբանական այգու դիմաց, կրկին հեղեղատարի նիշն ասֆալտից ներքև է իջաց։ Եվ սա այն դեպքում, երբ Մյասնիկյան պողոտան վերջերս էին ասֆալտապատել։ Իսկ, ընդհանուր առմամբ, դիտահորերի, ջրահեռացման կոմունիկացիոն ցանցերի համար նախատեսված ծրագրով բյուջեից հատկացվել է շուրջ 2 միլիարդ դրամ։

Երևանի ավագանու «Մայր Հայաստան» խբակցության անդամ Արմեն Քոչարյանի ֆեյսբուքյան էջից