ՊԵԿ-ը թաքցնում է «Մարգարա» անցակետի սպասարկման ծախսերը

● Տնտեսական

25.10.2024 ● 09:08

ՊԵԿ-ը թաքցնում է «Մարգարա» անցակետի սպասարկման ծախսերը

ՀՀ պետական եկամուտների կոմիտեն թաքցնում է Թուրքիայի հետ սահմանին գտնվող «Մարգարա» անցակետի սպասարկման ծախսերը:

Sputnik Արմենիան հարցում է ուղարկել ՊԵԿ հասկանալու համար, թե որքան է արժեցել «Մարգարա» նոր անցակետի շինարարությունը և ինչքան գումար է ծախսվել շինարարության ավարտից հետո այն սպասարկելու համար։

Առաջին հարցի վերաբերյալ ՊԵԿ-ից հայտնել են, որ մաքսային կետի կառուցման համար կոմիտեի և մի շարք կազմակերպությունների միջև կնքվել են համապատասխան պայմանագրեր, որոնք հրապարակված են էլեկտրոնային գնումների ARMEPS համակարգի PPCM ենթահամակարգում (բաց հարթակ):

«Դրանք իրենց մեջ ներառում են շինմոնտաժային աշխատանքների, սարքավորումների և կահավորանքի արժեքը, նախագծանախահաշվային փաստաթղթերի կազմման աշխատանքների արժեքը, նախագծանախահաշվային փաստաթղթերի փորձաքննության արժեքը, աշխատանքների կատարման նկատմամբ որակի տեխնիկական և հեղինակային հսկողության ծառայությունների արժեքը»,-հայտնել է ՊԵԿ-ը:

Սակայն ՊԵԿ-ից չեն պատասխանել հիմնական հարցին․ որքան գումար է ծախսվել 2023 թվականի դեկտեմբերից պատրաստ, բայց չշահագործվող անցակետի սպասարկման համար։

Հիշեցնենք, որ տեղեկացրել էին, որ Թուրքիայի հետ սահմանին գտնվող «Մարգարա» անցակետը պատրաստ է շահագործման։

Նշվում էր, որ հայկական կողմը Թուրքիայից դրական ազդակներ է ակնկալում երրորդ երկրների քաղաքացիների, ինչպես նաև դիվանագիտական անձնագրեր ունեցողների համար սահմանը բացելու վերաբերյալ։

Հայկական կողմը անցակետի արդիականացման և վերազինման համար ծախսել է շուրջ 760 մլն դրամ:

● Այս խորագրի վերջին նյութերը

Միջոցառումների տոմսերի գնման առավել պարզ ու հարմար լուծում․ Ամերիաբանկը ներկայացնում է EventHub.am-ը

11.12.2024 ● 15:51

Գործունեության շուրջ 1 տարվա ընթացքում EventHub-ը հաջողությամբ համագործակցել է միջոցառումների 100-ից ավելի կազմակերպչի հետ` վաճառելով 500-ից ավելի միջոցառման տոմսեր:

Օնլայն տաքսիների վարորդները բողոքի ակցիա են անում․ «Մայր Հայաստանի» անդամները տեղում են (տեսանյութ)

11.12.2024 ● 13:45

Բողոքի ակցիայի վայր են ժամանել Երևանի ավագանու «Մայր Հայաստան» խմբակցության անդամները։

ԿԲ գնահատմամբ՝ Երևանում տրանսպորտի գների փոփոխությունը գնաճի վրա կարող է մինչև 0.5 տոկոս ազդեցություն ունենալ

10.12.2024 ● 17:49

«Մենք ակնկալում ենք, որ մաքսիմալ ազդեցությունը, որ կարող է մյուս տարվա ընթացքում տեսնենք տրանսպորտի գների փոփոխության հետևանքով, մինչ 0.5 տոկոսն է»։

Երեխաների առողջություն, կրթություն, գիտություն․ «Իմ Ամերիա, իմ Հայաստան» նախագծի քվեարկության միջանկյալ արդյունքները (տեսանյութ)

10.12.2024 ● 15:06

Քվեարկության միջանկյալ արդյունքներով առաջատար երեք ոլորտներն են երեխաների առողջությունը, կրթությունը, գիտությունը` քվեների, համապատասխանաբար, 54,4, 19,8 և 6,3 տոկոսներով: