«Մայր Հայաստան» շարժման առաջնորդ Անդրանիկ Թևանյանը ճեպազրույցով է հանդես եկել` տրանսպորտի թանկացման դեմ քաղաքացիական նախաձեռնության թեմայով։

«Սա աննախադետ քաղաքացիական նախաձեռնություն է։ Մենք ցույց ենք տալիս քաղաքացիներին, որ այս գործիքն էլ ենք օգտագործում։ Մենք ասում ենք՝ սիրելի երևանցինե՛ր, դուք մեր օգտին քվեարկել եք, տվել եք համապատասխան քանակի ձայներ, իհարկե, ցավալի է, որ քիչ եք մասնակցել, բայց ամեն դեպքում մենք բոլորի շահերը պաշտպանում ենք։ Հիմա, օգնեք մեզ, նորից տվեք ձեր քվեն այն առումով, որ ուղղակի ստորագրեք։ Ստորագրեք, որպեսզի մենք ճնշենք այս իշխանություններին, որ ձեր շահերը պաշտպանվեն։ Մենք նորից դիմում ենք քաղաքացիների օգնությանը։ Ուրիշ ուժ չկա։ Քաղաքացիների օգնությունը մեզ կտա այն ուժը, որով մենք ուժի լեզվով կխոսենք քաղաքային իշխանությունների հետ և կպարտադրենք նրանց հրաժարվել հակաժողովրդական որշումից, որն իրենք կայացրել են»,-ասել է Թևանյանը։

Մանրամասները՝ տեսանյութում։