Էստեղ կռիվ է, գիշերը անընդհատ կրակում են, տարբեր ժամերի են կրակում: Այս մասին NEWS.am-ի հետ զրույցում նշեց Սյունիքի մարզի Խնածախ գյւղի բնակիչներից 77-ամյա Գրենիկ Բաղդասարյանը:

«Կրակում են երեկոյան ժամը 9.30-ին, 11-ից հետո, գիշերը 3-ին: Իրենց քեֆին, երբ ուզում կրակում են: Եթե վաղը էլի մի կռիվ լինի, առաջին հերթին ավտոմատը վերցնելու եմ առաջ գնամ: Կնոջս էլ եմ վերցնելու, որ կռվի: Մի րոպե կնոջս թողեմ, գալու են վիզը կտրեն, հեթե տենց է, միասին կգնանք հարձակման՝ ինչ լինում է, թող լինի»,-ասաց նա:

Հարցին՝ իշխանություններից ի՞նչ եք ակնկալում, նա պատասխանեց. «Իշխանությունն ասում է՝ «սամ դնեվալնի, սամ խազյային»: Էգուց, որ ասեն՝ էս մարդուն եք ընտրելու, ընտրելու ենք: Ուզում է Փաշինյաը լինի, ուզում է՝ Քոչարյանը լինի»:

Խնածախցի կանանցից մեկն էլ նշեց. «Չենք ասում, որ գյուղի վրա կրակում են, ոչ էլ պոստերին են կրակում: Համենայնդեպս ձայները լսվում է մեր մոտ, ու դրանից էլ վախենում են, թե երեխաները, թե մեծերը: Երբ որ տրանսֆեր են կրակում, գիշերը օդում երևում է լույսը։

Կոնկրետ մեր երեխաները արդեն մեծ հասակի երեխաներ են, ամեն ինչից տեղյակ են, իրենց բացատրելու կարիք չկա: Ուղղակի երեխաները ամեն դեպքում վախենում են, մեծը որ մեծ է վախենում է, փոքրը ո՞նց չվախենա: Երեկ նստել, սպասում է, ասում է՝ կարակել նոր գնանք քնենք»:

Նշենք, որ այսօր Խնածախ են այցելել ԵՄ դիտորդական առաքելության ներկայացուցիչները: