Տարեվերջին իր առաքելությունն ավարտող ԵԱՀԿ Մինսկի խմբի ֆրանսիացի համանախագահ Բեռնար Ֆասիեն Բաքվում հայտարարել է, թե Հարավային Կովկասում իրադրությունը բարելավելու համար պետք է արագացնել ԼՂ հակամարտության կարգավորումը։ «Այսօր տեսնում ենք, թե ինչ է կատարվում Մերձավոր Արևելքում։ Հակամարտության ձգձգումը հանգեցնելու է լուծումների բարդացմանը»,–ասել է Ֆասիեն։

Նա ընդգծել է, որ եկել է ղարաբաղյան հակամարտության կարգավորման ժամանակը։

Հիշեցնենք, որ ԵԱՀԿ Մինսկի խմբի համանախագահի պաշտոնում Բեռնար Ֆասիեին կփոխարինի Ուկրաինայում Ֆրանսիայի դեսպան Ժակ Ֆորը։