Կոլումբիայի հյուսիսում ոստիկանությունը հայտնաբերել է թռուցիկներ, որոնցում «Ուռաբեկոս» ավազակախմբի անունից նշվում է, թե սպանված ամեն ոստիկանի համար կտրվի գումար՝ 500 դոլար։ Էլ ավելի շատ գումար կտրվի թմրանյութերի դեմ պայքարի ծառայության աշխատակցին սպանելու համար։ Այս մասին տեղեկացնում է «Բի–Բի–Սի»–ն։

Անցյալ շաբաթ Կոլումբիայի թմրանյութերի դեմ պայքարի ծառայության աշխատակիցները հերթական ստուգումները իրականացնելու ժամանակ սպանել են «Ուռաբեկոս»–ի պարագլխին։

Տեղեկացնենք, որ «Ուռաբեկոս»–ն է վերահսկում Կոլումբիայի հյուսիսի թմրանյութերի վաճառքի զգալի մասը։