Բացարձակ անտերություն  է տիրում  նաև  կուսակցությունների  գործունեության  սահմանադրական կարգի  /7-րդ հոդված/  պահպանման  ուղղությամբ՝ ի՞նչ սահմանադրություն, ի՞նչ օրենք: Իսկ  ապօրինությունների հիմնական կրողը ՀՀԿ-ն  է:

Պետական իբր իրավասու մարմիններն, այդ թվում ՀՀԿ-ական  Նախագահը, խախտելով սահմանադրական կարգը, այստեղ  էլ  են  մատնված  բացարձակ անգործության /Հ.Գ./:

Սա  է  նախատեսվող  «ազատ ու արդար» ընտրությունների  այսօրվա  գրավականը:

Հայաստանի Պառլամենտարիզմի Կենտրոն/ՀՊԱԿ/ Հ.Գ – Այն օրինախախտումները, որոնց  կապակցությամբ վերջերս  դիմել ենք  իրավասու պետական մարմիններին՝ -        կուսակցությունը զբաղվում  է  բարեգործությամբ, -        կուսակցությունը պետական միջոցներով բարեգործություն է իրականացնում, -        կուսակցությունն իրականացվում  է կոլեկտիվ անդամագրում, -        պաշտոնեական դիրքն օգտագործվում  է հօգուտ կուսակցական շահերի, -        պառլամենտական կուսակցությունը  գրանցված չէ պետական ռեգիստրում, -        «կուսակցությունը» չունի սահմանված   տարածքային ստորաբաժանումներ, -        ՀՀ Նախագահին կուսակցությունն է  նախարարի թեկնածություն առաջարկում, -        ԱԺ պաշտոնյաներին, այդ թվում, խոսնակին, կուսակցությունն է  ազատում պաշտոններից, Այն  պատասխանները, որոնք ստացվել կամ չեն  ստացվել այդ մարմիններից՝ -        Արդարադատության նախարարություն -  առանց  որևէ հիմնավորման հայտարարում  են՝ նախարարությունը  կուսակցությունների գործունեության  նկատմամբ  վերահսկողություն իրականացնելու իրավասություն չունի, կուսակցությունների տարածքային ստորաբաժանումների գտնվելու մասին տեղեկատվությանը չի տիրապետում և  տեղյակ չի, թե դրանց բացակայության դեպքում, ով պետք է նախաձեռնի ապօրինի գրանցված  կուսակցության լուծարումը, «Կուսակցությունների մասին»  ՀՀ  օրենքի պահանջների կատարման ապահովումը   դուրս է նախարարության լիազորությունների  շրջանակից, կուսակցությունը կարող  է զբաղվել  բարեգործությամբ, ինչպես նաև, հրաժարվում  են օրենքով սահմանված պարզաբանումներ տալուց  և իրավական ակտերի միջև հակասությունների  լուծումներից: -        Գլխավոր դատախազություն – «դեռևս ԱԺ  ընտրությունների օր նշանակված  չէ»  տարօրինակ մեկնաբանությամբ  հաղորդումները թողնվել են անհետևանք, -        Հատուկ  քննչական  ծառայություն – առանց, օրենքով սահմանված որևէ հիմնավորման /որոշման/ շաբլոնային  ձևով տեղեկացնում  են՝ «հաղորդումը թողնվել է անհետևանք, քանզի կոնկրետ հանցագործության հատկանիշներ պարունակող,   նախապատրաստվող  կամ արդեն կատարված հանցագործության մասին տեղեկատվություն  չի պարունակում»: -        ՀՀ  Նախագահ –  չի արձագանքում: