Լրագրողների հետ հանդիպման ժամանակ ԲՀԿ պատգամավոր, Հայաստանի ԱԺ եվրոպական ինտեգրման հարցերի հանձնաժողովի նախագահ Նաիրա Զոհրաբյանը պատասխանելով այն հարցին, թե 2012թ. ընտրությունների նախաշեմին անընդահտ շրջանառվող' ՀՀԿ-ԲՀԿ խմորումների մասին շրջանառվող լուրերերի համատեքստում արդյոք ԲՀԿ-ն կոալիցիայում իրեն տեսնո՞ւմ է՝ ասել է, թե այդ հարցերին հաստակ պատասխան տվել է ԲՀԿ նախագահ Գագիկ Ծառուկյանը։

-Ես հասկանում եմ, որ կրկնությունը գիտության մայրն է, բայց ամեն անգամ կրկնել և ասել, որ այն, ինչ որ ասաց կուսակցության նախագահը, ուժի մեջ է, ես դրան ավելացնելու ոչինչ չունեմ։ Ես հասկանում եմ, որ թերևս շատ սկանդալային, ինտրիգային թեմա է ՀՀԿ-ԲՀԿ թեման անընդհատ շրջանառության մեջ դնելը, բայց կարծում եմ, որ մեկ անգամ ասվել է կուսակցության նախագահի կողմից։ Հենց ՀՀԿ-ի 20-ամյակին նվիրված միջոցառման ժամանակ լրագրողները մոտեցել են և հարցրել կուսակցության նախագահին, ու նա  հստակ պատասխանել է այդ հարցերին։ Ինչքան էլ մամուլը ամեն օր փորձի թեժացնել այս խնդիրը, ես չեմ կարծում, որ դրանից մեր ասելիքը պետք է փոխվի,-նշել է նա։

7or.am