«Սպառողների ասոցիացիա» ՀԿ նախագահ Արմեն Պողոսյանը, խոսելով մայրաքաղաքի տրանսպորտի վիճակի մասին, նշել է, թե Հայաստան են ներկրվել 249 չինական ավտոբուսներ, որոնք չկարողացան հաղթահարել Բաղրամյան փողոցի վերելքը և ստիպված եղան փոխել իրենց երթուղին։

Նա քաղաքային իշխանություններին կոչ է արել խզել չինական կողմի հետ պայմանագիրը և նոր պայմանագիր կնքել Ֆրանսիայի հետ։ «Ճիշտ է ֆրանսիական ավտոբուսներն ավելի թանկ են, սակայն դրանք ավելի հարմարավետ և ավելի որակով են չինականի համեմատ»,–նկատել է նա ու հավելել, որ ավելի էժան կլինի նաև տեղափոխումը։ Նա կարծում է, որ Ֆրանսիան կգնա որոշակի զիջումների՝ լիզինգի կամ վարկի միջոցով թույլ տալով վճարել ավտոբուսների համար։

«Ավելի բարձր հարց կա՝ արժանապատվության»,–հայտարարել է Ա. Պողոսյանը։ Նա ընդգծել է, որ Թուրքիան հրաժարվում է Ֆրանսիայի հետ կնքված տնտեսական պայմանագրերից, որոնք արժեն 13,5 մլրդ դոլար, իսկ Հայաստանը բարոյական պարտավորություն ունի գնելու ֆրանսիական ավտոբուսներ։

7or.am