«Հայկական հանրագիտարան» հրատարակչության տնօրեն Հովհաննես Այվազյանի  կարծիքով՝ դպրոցներում լավ քարոզչություն չի իրականացվում հայ հերոսների ճանաչման ուղությամբ։ Այդ պատճառով էլ ներկա սերունդը  չի ճանաչում իսկական հերոսներին։

 - Հիմա մեկին հերոսացնել առանց փաստերի՝ սխալ կլինի։ Ժամանակը որոշ բաներ պիտի մաքրի և դրանից հետո միայն կճանաչեն մեր իսկական հերոսներին։ Մենք հիմա մի ժամանակաշրջանում ենք ապրում, երբ հերոսը չի տարբերվում ոչ հերոսից,-նշել է նա։ Գեներալ-գնդապետ Գուրգեն Դալիբալթայանն  էլ վստահեցնում է, որ այդ բացը լրացվում է բանակում։

- Բանակում մեծ աշխատանքներ են ծավալվում և քարոզչություն է տարվում զինվորների շրջանում։ Բացի այդ՝ արդեն մեծ հսկողություն է սահմանվում դպրոցներում ռազմագիտություն առարկայի նկատմամբ, որը ներառում է նաև ճանաչողական բնույթի դասաժամեր,-ասել է նա։