Ռուս միլիարդատեր, նախագահի թեկնածու Միխայիլ Պրոխորովը խոստացել է, նախագահ դառնալու դեպքում, Ռուսաստանի Լիբերալ–դեմոկրատական կուսակցության առաջնորդ Վլադիմիր Ժիրինովսկու համար թատրոն հիմնել:

«Ժիրինովսկիու հետ բանավեճերից առաջ լավ կլինի կրկեսի արտիստների կամ Խազանովի (դերասան Գենադի Խազանովը) հետ «փորձեր անցկացենել»: Նա փայլուն դերասան է: Նախագահ դառնալու դեպքում ես անձամբ իմ անձնական միջոցներով նրա համար թատրոն եմ բացելու` մեկ դերասանի թատրոն, և անձամբ որևէ ներկայացում բաց չեմ թողնելու»:

Նշենք, որ Ժիրինովսկին հայտնի է քաղաքական, հասարակական գործիչների մասին սուր քննադատությամբ և արտասովոր քաղաքական առաջարկներով:

Հիշեցնենք, որ մարտի 4–ին Ռուսաստանում կայանալիք ընտրություններում նախագահ դառնալու համար Պրոխորովը պայքարելու է Ռուսաստանի գործող վարչապետ Վլադիմիր Պուտինի (առաջադրվել է իշխող «Միասնական Ռուսաստան» կուսակցության կողմից), Ռուսաստանի Դաշնության կոմունիստական կուսակցության առաջնորդ Գենադի Զյուգանովի, «Արդար Ռուսաստան» կուսակցության առաջնորդ Սերգեյ Միրոնովի, Ռուսաստանի Լիբերալ–դեմոկրատական կուսակցության առաջնորդ Վադիմիր Ժիրինովսկու հետ։