ՀՀ վերաքննիչ դատարանը 02.02.2012 թվականի որոշմամբ մերժել է Հայջրմուղկոյուղի ՓԲԸ բողոքը և ուժի մեջ է թողել Սյունիքի մարզի ընդհանուր իրավասության դատարանի որոշումը:
Հիշեցնենք, որ փետրվարի 12-ին Բաց հասարակության ինստիտուտի օժանդակության հիմնադրամ հայաստանյան մասնաճյուղի և Էկոլոգիական Անվտանգության Ապահովման և Ժողովրդավարության Զարգացման հասարակական կազմակերպության աջակցությամբ մի խումբ կապանցիներ 15.10.2010 թվականին հայցապահանջով դիմել էին Սյունիքի մարզի ընդհանուր իրավասության դատարան ըննդեմ Հայջրմուղկոյուղի ՓԲԸ պահանջելով դատարանից ընկերությանը պարտավորեցնել՝

1. կատարելու բաժանորդների հետ կնքված պայմանագրերով ստանձնած պարտավորությունները, այն է` ապահովել կենցաղային կեղտաջրերի հեռացումն ու մաքրումը:

2. վերացնելու մարդկանց առողջությանն ու բարեկեցությանը նպաստող շրջակա միջավայրին սպարնացող վտանգը: 

2011 թ. մարտի 24-ին Սյունիքի մարզի ընդհանուր իրավասության դատարանը բավարարեց հայցը ըննդեմ Հայջրմուղկոյուղի ՓԲԸ և պարտավորեցրեց`

1. կատարելու բաժանորդների հետ կնքված պայմանագրերով ստանձնած պարտավորությունները, այն է`ապահովել կենցաղային կեղտաջրերի հեռացումն ու մաքրումը:
2. վերացնելու մարդկանց առողջությանն ու բարեկեցությանը նպաստող շրջակա միջավայրին սպարնացող վտանգը:

Էկոլոգիական Անվտանգության Ապահովման և Ժողովրդավարության Զարգացման հ/կ նախագահ Ռաֆաել Ասրյան