«Մենք 42 ավագ դպրոցի ծնողներս դիմում ենք Ձեզ խնդրելով որ դուք վաղը այցելեք մեր դպրոց և տեղում ծանոթանաք տիրող խայտառակ իրավիճակին: Մեր դպրոցի ուսուցիչները և աշակերտները ցանկանում են զրուցել լրատվամիջոցների ներկայացուցիչների հետ և պատմել եղելությունը:Դպրոցում տիրում է կատարյալ սառնամանիք և աշակերտները արդեն չեն դիմանում և անընդհատ բողոքում են տնօրենին:Դասերն էլ 4-րդ ժամից հետո ավարտվում են չնայած որ լինում են դեպքեր երբ այդ ցուրտ պայմաններում ստիպողաբար երեխաներին պահում են նաև մինչև 5-րդ ժամի վերջը:Արդեն 1 շաբաթից ավել է ինչ հաճախումների թիվը հասել է 400-ից 200-ի:Շատ են հիվանդները , վատառողջ ու մրսած աշակերտները:

Արդեն անտանելի է դարձել դպրոց գալը: Այդ ամենի կապակցությամբ մենք դիմում ենք Լարիսա Ալավերդյանին և Անահիտ Բախշյանին խնդրելով նրանցից օգնություն: "Հարգելի տիկնայք եթե կարող եք այցելեք մեր դպրոց և օգնեք մեզ այս դժվարին պահին":Դպրոցի ներսի ջերմաստիճանը իջել է մինչև + 2-ից +4-ի և սարսափելի ցուրտ է:Տաքացնող սարքերն էլ չեն աշխատում և շատ քիչ են:Ներքին խժդժություններ են սկսվել փոխտնօրեն Աիդա Շահվերդյանի և ուսուցիչների միջև:Տնօրեն Էլեոնորա Թումանյանը անում է ամեն ինչ կրքերը հանդարտեցնելու համար:ԿԳՆ կրթության վարչության պետ Նարինե Հովհաննիսյանն էլ ըստ դպրոցի ուսուցիչների կարծիքների թող գնա իր մասին մտածի այլ ոչ թե սուտ լուրեր տարածի թե իբր դպրոցում ընթանում է նորմալ դասապրոցես և շատ տաք է ու ամն ինչ նորմալ է:Ըստ ուսուցիչների դա բնական է քանի որ նա երբեք չի սատարի դպրոցին փնովելով ԿԳՆ-ին քանի որ այդ դեպքում կզրկվի իր պաշտոնից նախարարությունում:

"Հարգելի լրատվամիջոցներ խնդրում ենք Ձեզ այցելել մեր դպրոց և տեսնել թե ինչ վիճակում ենք գտնվում մենք":Ասում է աշակերտներից մեկը ով սովորում է 11-րդ դասարանում:

"Օգնեք մեզ հարգելի լրատվամիջոցներ մեր ձայնը հասցրեք նախարար Արմեն Աշոտյանին":Ասում է 10-րդ դասարանի աշակերտը ով շատ է սիրում այս դպրոցը:

Ծնողներ՝

Գ.Սերոբյան

Լ.Զուրաբյան

Ա.Մարգարյան

Ա.Բադալյան

Ս.Ալավերդյան

Կ.Թովմասյան

Գ.Ասրյան

Ն.Պողոսյան և այլք»