Այսօրվա ասուլիսին ՀԱԿ ներկայացուցիչ Սասուն Միքայելյանը, ով   Հրազդանի քաղաքապետի վերջերս տեղի ունեցած ընտրություններին առաջադրել էր իր թեկնածությունն ու ձայների փոքր տարբերությամբ պարտվել ՀՀԿ–ական Արամ Դանիելյանից, ասել է, թե ինչպես կարող է ինքը գոհ լինել ընտրություններից, եթե բացահայտ երևում է՝ ինչ է եղել։

– Իմ դեմ պայքարել են պետական համակարգի ներկայացուցիչները՝ Սերժ Սարգսյանի գլխավորությամբ։ Ես չեմ ուզում բողոքարկել ու շոու սարքել։ Ո՞ւմ դիմել, եթե ողջ պետական ապարատը իմ դեմ է  եղել։ Բոլոր կառույցները աշխատել են։ Եթե ամբողջ պետությունն  ինձ դեմ է եղել, ապա էլ ես ո՞ւմ դիմեմ, ո՞ւմ բողոքեմ,–ասել է նա՝ բացատրելով, թե ինչու չի բողոքարկում ընտրությունների արդյունքները։

Ըստ Սասուն Միքայելյանի՝ ՀՀԿ–ն մարզերում և կոնկրետ Հրազդանում 5-10% ձայն ունի։

–Արամն ու Կովալը Հրազդանում հանրապետականը դարձրել են հանրասեփական,–ասել է նա։

Սասուն Միքայելյանի խոսքերով՝ հիմա Հրազդանում «ռազբորկա» է գնում, թե այդքան փող բաժանելուց հետո ինչո՞ւ է Սասունն այդքան ձայն հավաքել։

–Հնարավոր չէ այնպիսի բան, որ Հրազդանում 25 հազ. մարդ ՏԻՄ ընտրություններին մասնակցի։ Եթե հաշվի առնենք, որ շատ մարդիկ Հրազդանից հեռացած են, ապա մասնակցությունը կազմել է 85-90%,–ասել է նա։

7or.am