–Զարգացումները Ռուսաստանում կարող են գնալ հետևյալ երկու ճանապարհով։ Առաջինը՝ նորընտիր նախագահ Վլադիմիր Պուտինը կփորձի կատարել խոստումները, անցկացնել քաղաքական, վարչական բարեփոխումներ, պայքարել կաշառակերության դեմ։ Երկրորդ տարբերակը՝ նա կփորձի սահմանափակել մարդու և ընդդիմության իրավունքները։ Քանի որ մենք գիտենք Ռուսաստանի ավանդույթը՝ ցարից եկած և կոմունիստների ժամանակ շարունակված, ես հակված եմ մտածել, որ Ռուսաստանը կգնա երկրորդ ճանապարհով,-այսօրվա ասուլիսին,անդրադառնալով ՌԴ հետընտրական փուլին, ասել է քաղաքագետ Ստեփան Գրիգորյանը։

Բանախոսը նշել է, որ Ռուսաստանում ներքին քաղաքականության կոշտացումը կհանգեցնի հակաամերիկյան քարոզչության և քայլերի ուժեղացման ՌԴ–ում, ինչպես նաև կուժեղացնի այդ երկրի ճնշումը ետխորհրդային երկրների վրա։

–Ռուսաստանն ակտիվ գործունեություն կծավալի եվրասիական դաշինքը ստեղծելու ուղղությամբ,–ասել է քաղաքագետը։

 7or.am