ԲՀԿ քաղխորհրդի անդամ Տիգրան Ուրիխանյանը լրագրողների հարցին, թե հնարավո՞ր է, որ ԲՀԿ–ն ընտրություններից հետո գնա կոալիցիոն կառավարման, պատասխանել է, որ դա պարզ կլինի ընտրություններից հետո, երբ հայտնի կլինի կուսակցությունների հավաքած քվեների քանակը։ Նա նաև ընգծել է, որ խորհրդարանում մեծամասնություն վերցնելու դեպքում կոալիցիա կազմելը անտրամաբանական է.

– Այն քաղաքական ուժը (դա իմ անձնական կածիքն է), որը որ ունակ է իրականացնելու սեփական ռեսուրսով, սեփական ծրագրին համապատասխան կառավարում, չպետք է ինչ–որ երկրորդական պատճառաբանումներով գնա կոալիցիոն կառավարման և փնտրի իր համար կոալիցիոն գործընկերներ։ Ներգրավվածություն կարող է թույլ տալ՝ դա նորմալ է և օրինաչափ։

Լրագրողների այն դիտարկմանն էլ, թե եթե իր ասածից ելնենք, ստացվում է, որ Հանրապետական կուսակցությունը, ունենալով մեծամասնություն հիմա, այնուամենայնիվ  կոալիցիա է կազմել, այսինքն՝ միանձնյա կառավարելու այդ պոտենցիալը չունի, արձագանքել է.

– Դուք ինքներդ պատասխանեցիք ձեր տված հարցին։

7or.am