Այսօր «Հենարան» մամլո ակումբում աուլիս էր հրավիրված ԱՊՊԱ գործընթացի վերաբերյալ։ Ասուլիսի հյուրերն էին «Աքիլլես ավտովարորդների իրավունքների պաշտպանության կենտրոն» ՀԿ նախագահ Էդուարդ Հովհաննիսյանը, Ռեսո» ապահովագրական ընկերության գործադիր տնօրեն Սամվել Գրիգորյանը և «Նաիրի Ինշուրանս» ապահովագրական ընկերության գործադիր տնօրեն Գոռ Խաչատրյանը։

Վերջինս ներկայցրեց իրենց ընկերության վիճակագրական տվյալները։ Առաջին զանգը նրանք ստացել են հունվարի մեկի առավոտյան ժամը 10-ի մոտակայքում։ Մինչ այժմ նրանք գրանցել են 96 զանգ, որոնցից 6-ը մոտակա օրերս կստանան փոխհատուցումը, 15-ի դեպքում վարորդները եկել են համաձայնության և հրաժարվել փոխհատուցումից, իսկ 36 դեպք դեռևս ընթացքի մեջ են։ Մինչ այժմ տեղի ունեցած պատահարների հետևանքով ընկերությունը փոխանցել է 1.200.000 դրամ գումար։ Գոռ Խաչատրյանը նշել է նաև իրենց մոտ ապահովագրված ավտոնեքենարի քանակը` 31.000 ավտոմեքենա։