Ինչպես արդեն տեղեկացրել էինք այսօր ԱԺ–ում պետք է քվեարկության դրվեր է «Արտակարգ դրության իրավական ռեժիմի մասին» վիճահարույց  օրինագիծը: Սակայն նիստը սկսվելուն պես այն ընդմիջվեց։  ՀՀԿ խմբակցության ղեկավար Գալուստ Սահակյանը 20 րոպե ընդմիջում վերցրեց։ Ընդմիջումից հետո հետո Ազգային Ժողովը շարունակեց քվեարկությունները: Սակայն «Արտակարգ դրության իրավական ռեժիմի մասին» օրինագիծը չդրվեց քվեարկության:

ԱԺ նախագահ Սամվել Նիկոյանը, բոլոր մյուս հարցերը քվեարկության դնելուց հետո, հայտարարեց, որ պահին քվեարկություններն ավարտվեցին և հետո եթե անհրաժեշտություն լինի, ապա քվեարկություն կկազմակերպվի:
Ընդդիմությունը ՀՀԿ-ն նման վարքագիծը բացատրեց այն հանգամանքով, որ «Օրինաց երկիր» և «Բարգավաճ Հայաստան» խմբակցությունների մեծամասնությունն ուղղակի բացակայում է, և ՀՀԿ-ի համար միայնակ դժվար կլիներ անցկացնել օրինագիծը: «Խորհրդարանականներն էլ կարծես հասկանում են, որ օրինագիծը ոչ միայն հասարակության, այլև հենց իրենց համար ընդունելի չէ, այդ իսկ պատճառով էլ որոշվեց այն չդնել քվեարկության։ Պարզ է չէ հիմա, որ դա լավ օրենք չի, ինչո՞ւ եք ուզում անպայման դնել քվեարկության, թող հետ տանեն, ի՞նչ եք անում»,– հայտարարեց ՀՅԴ խմբակցության ղեկավար Վահան Հովհաննիսյանը։

7or.am