ՀՀ պաշտպանության նախարարը հանդիպումներ է ունեցել ԱՄՆ Կանզաս նահանգում

● Լրահոս

21.03.2012 ● 15:31

ՀՀ պաշտպանության նախարարը հանդիպումներ է ունեցել ԱՄՆ Կանզաս նահանգում

Մարտի 20-ին Կանզասում ՀՀ պաշտպանության նախարար Սեյրան Օհանյանը ԱՄՆ աշխատանքային այցի շրջանակներում գործնական քննարկումներ է ունեցել Կանզասի Ազգային գվարդիայի հրամանատար, գեներալ-մայոր Լի Թաֆանելիի, նահանգի կոնգրեսի սենատի նախագահ Մորրիսի և Ներկայացուցիչների պալատի խոսնակ Օ՛Նիլի հետ: Հայաստանի Հանրապետության պաշտպանության նախարարին ներկայացվել են ԱՄՆ ցամաքային զորքերի հրամանատարաշտաբային քոլեջի ուսումնակրթական գործընթացը, ինչպես նաև հեռարշավային դաշտային բուժապահովման կարողությունները:

Կանզասի նահանգապետ Սեմ Բրաունբեքի հետ հանդիպմամ ժամանակ արձանագրվել է «Նահանգային գործընկերության ծրագրով» Հայաստանի Հանրապետության և Կանզասի միջև համագործակցության բարձր մակարդակը և դրա ընդլայնման ու խորացման ներուժը: Նահանգապետը հանդիսավոր պայմաններում ստորագրել է Հայաստանի և Կանզասի միջև համագործակցության վերաբերյալ հռչակագիր, որում մասնավորապես նշված է.

«Կանզասը հպարտությամբ ազդարարում է նահանգային գործընկերության ծրագրի շրջանակներում Կանզասի և Հայաստանի միջև անցած ինը տարիների ընթացքում ծավալված համագործակության առաջընթացը:

Կանզասն արժևորում է ամերիկյան և ՆԱՏՕ-ի ուժերի հետ համատեղ Կոսովոյում, Իրաքում և Աֆղանստանում Հայաստանի Հանրապետության ԶՈւ զինծառայողների ծառայության բարձր մակարդակը և նրանց կրած դժվարությունները:

Կանզասը հանձնառու է ապահովել Հայաստանի Հանրապետության հետ տևական յուրահատուկ հարաբերությունների շարունակականությունը և հետագա համագործակցության ընդլայնումը:

Կանզասը և Հայաստանը գործընկերության շրջանակներում կանգնած են կողք կողքի` հանուն խաղաղության, բարեկեցության և ազատության»:

● Այս խորագրի վերջին նյութերը

Նորատուս գյուղում գայլերը հոշոտել են գյուղացուն պատկանող մայրացու գառների մեծ մասին

01.11.2024 ● 22:19

28-ին փնտրում են։

Բախվել են «Զիլ»-ն ու «ՎԱԶ 21099»-ը․ վիրավորը, գիտակցության չգալով, մահացել է

01.11.2024 ● 22:14

Ողբերգական ավտովթար։

«Նոա»-«Ուրարտու» հանդիպմանը երկրպագուները մտել են դաշտ և պահանջել ՀՖՖ ղեկավարի հրաժարականը (տեսանյութ)

01.11.2024 ● 22:07

Ակցիան սկսվել է հանդիպման 13-րդ րոպեին։

Հրդեհ է բռնկվել Ամիրյան փողոցի շենքերից մեկի տանիքում․ հայտարարվել է «1 ԲԻՍ» աստիճան

01.11.2024 ● 21:53

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատների երեք մարտական հաշվարկ և մեկ ավտոսանդուղք։

100 դրամանոցների դեֆիցիտ, վալիդատորների անսարքություն, իսկ «Երևանավտոբուս»-ում օրական 30 մլն դրամ գնում է ինչ-որ մարդկանց գրպանը. Ելքն արտարհերթ ընտրությունն է. Մանուկ Սուքիասյան

01.11.2024 ● 21:45

«Մայր Հայաստան» խմբակցությունը համատարած ահազանգեր է ստացել 100 դրամանոցների դեֆիցիտի հետ կապված, շատ դեպքերում էլ ունեցել ենք ահազանգեր, որ վալիդատորները նորմալ չեն աշխատում և մարդիկ ստիպված են եղել անվճար երթևեկել։