Մեզանից շատ–շատերի համար նորություն չասեմ, որ աշխատանքից տուն գնալուց կամ օրվա ակտիվ ժամերին Երևանի կենտրոնական փողոցներում, ինչպես նաև հիմնականում «Երևան Սիթի» սուպերմարկետների մոտ մեքենաների խցանումներ են: Նման իրավիճակում ակամայից հիշում ես Վլադիմիր Գասպարյանի սրտաճլիկ խոսքերը, թե ինչպիսի պետք է լինի իսկական ոստիկանը և ինչպես պետք է իրականացնի օրենքով իրեն վերապահված լիազորությունները:

Արդյունքում ամեն օր ականատես ենք լինում մի երևույթի, որը իրականում մեզ շատերիս շուտով նյարդային հիվանդ է դարձնելու:

Օրինակ՝ Տիգրան Մեծի փողոցի վրա գործող «Երևան Սիթի» սուպերմարկետի մոտ օրվա ցանկացած պահի ճանապարհի երկրորդ հոսքագծին կարելի է նկատել տաքսի և վթարային լուսարձակները միացրած՝ ԳՈԼԴ համարանիշներով մեքենաներ, որոնք առանց որևէ վախի, նույնիսկ արհամարելով ՃՈ-ի աշխատակիցներին, ըստ պահանջի կայանում են իրենց մեքենաները:

Շատ դեպքերում խցանումը շարունակվում է մինչև հանրապետության հրապարակ, որպեսզի ի ցույց լինի նույնիսկ կառավարությանը, որ մենք իրականում թքած ունենք ճանապարհաին երթևեկության կանոնների վրա: