Ստեփանակերտի օդանավակայանը պատրաստ է շահագործման

● Աշխարհ

12.04.2012 ● 11:09

Ստեփանակերտի օդանավակայանը պատրաստ է շահագործման

Ստեփանակերտի օդանավակայանը պատրաստ է ինքնաթիռներ ընդունել. ամբողջությամբ ավարտված են թռիչքուղու շինարարական աշխատանքները։ Այս փուլում արդեն վերապատրաստվում է օդանավակայանի անձնակազմը։

ԼՂՀ պաշտպանության բանակի հրամատար Մովսես Հակոբյանը մեկնաբանել է Ադրբեջանի սպառնալիքները՝ կործանել Ստեփանակերտ ուղևորվող ինքնաթիռները.

–Մեր օդանավակայանն անպայման գործարկվելու է, անվտանգության առումով որևէ խնդիր չկա։ Իհարկե, Ադրբեջանը կարող է ինքնաթիռ խփել նաև Երևանի տարածքում, բայց այսօր մեր հակաօդային պաշտպանությունն էլ Ադրբեջանի տարածքում օրվա ընթացքում 260 ինքնաթիռ է ուղեկցում։

Մովսես Հակոբյանը հայտարարել է նաև, որ ինքը առաջին թռիչքի ուղևորներից է լինելու։ ՊԲ հրամանատարը հիշեցրել է նաև, որ քաղաքացիական ինքնաթիռներին հարվածելը միջազգային իրավունքի կոպիտ խախտում է։ Նա հավաստիացրել է, որ Ստեփանակերտի օդանավակայան ժամանող և մեկնող ինքնաթիռները թռչելու են բացառապես մեր տարածքով և չեն հատելու Ադրբեջանի օդային տարածքի սահմանը։

Մովսես Հակոբյանն ընդգծել է, որ եթե Ադրբեջաննը այնուամենայնիվ փորձի սադրանքի դիմել, ԼՂՀ հակաօդային պաշտպանության ուժերը հնարավորություն ունեն արձակված հրթիռը շարքից հանել։

● Այս խորագրի վերջին նյութերը

Թուրքիայում պատրաստվում են ընդունել «օտարերկրյա գործակալների» մասին օրինագիծ

02.11.2024 ● 11:43

Օրենքն ուղղված է լինելու «այլ երկրների կամ օտարերկրյա կազմակերպությունների համար աշխատողների դեմ, որոնք սպառնում են Թուրքիայի ազգային անվտանգությանը»։