Այսօր՝ ապրիլի 12–ին, մի խումբ ակտիվիստներ բողոքի գործողություն են կազմակերպել Երևանի փողոցներում՝ իրենց դժգոհությունը հայտնելով Գյումրիում ադրբեջանական ֆիլմերի փառատոնի անկացման առնչությամբ։ «7օր»–ը զրուցել է ակտիվիստ երիտասարդներից մեկի հետ.

–Ես Էդգար Խաչատրյանն եմ։ Սա ոչ մի կազմակերպություն չէ՝ երիտասարդական նախաձեռնություն է, այստեղ հավաքված են տարբեր գաղափարների տեր մարդիկ, ովքեր, իհարկե, հայրենասերներ են և դապարտում են դավաճաններին։ Մարաղայի ոճրագործության 20–ամյակի օրերին ցուցադրել այն պետության ֆիլմերը, որը փորձել է բնաջնջել հայ ազգը, հայկական մշակույթը, ցույց տալ այդ ֆիլմերը մեր մշակութային մայրաքաղաք Գյումրիում, ուղղակի դավաճանություն է։

«7օր»–ի այն հարցին էլ, թե արդյոք պետությունը պե՞տք է որևէ կերպ միջամտեր այս փառատոնի անցկացման գործին, արգելեր այն, մեր զրուցակիցը պատասխանել է.

–Պետությունը հենց ժողովուրդն է և երիտասարդությունը, և հենց մենք ենք արգելում այդ ֆիլմերի ցուցադրությունը։

Այնուամենայնիվ, երիտասարդը հույս է հայտնել, որ ՀՀ կառավարությունը կաջակցի քաղաքացիական այս նախաձեռնությանը։

7or.am